Thirrje për pjesëmarrje në trajnimin njëditor me temë: “Raportimi etik për procesin e integrimit në BE”

Shoqata e Gazetarëve të Maqedonisë (SHGM), në kuadër të projektit “Fuqizimi i raportimit etik në Maqedoninë e Veriut për integrimin në BE”, organizon një trajnim njëditor për gazetarët, i cili do të mbahet më 21 tetor 2026, në Klubin e Gazetarëve.

Trajnimi do të jetë interaktiv dhe i orientuar drejt praktikës, me shembuj dhe ushtrime nga konteksti vendor. Ai u dedikohet gazetarëve dhe punonjësve mediatikë që raportojnë për integrimet evropiane, reformat e brendshme dhe ekonominë, me qëllim që t’i ndihmojë ata ta informojnë publikun në mënyrë profesionale për procesin kompleks të anëtarësimit në BE.

Temat në fokus:

• Struktura e institucioneve kryesore të BE-së dhe logjika që qëndron pas procesit të anëtarësimit.
• Si zhvillohen në praktikë procesi i skriningut, negociatat dhe cili është roli i Komisionit Evropian dhe shteteve anëtare.
• Dallimi ndërmjet dokumenteve kryesore të BE-së dhe njohja e peshës së tyre të ndryshme politike dhe juridike.
• Si të “përkthehen dhe shpjegohen” informacionet e ndërlikuara për BE-në në një gjuhë të kuptueshme për publikun.

Trajnimi pritet të kontribuojë në:

• Zhvillimin e aftësive për gjetjen e pavarur dhe përdorimin e drejtë të burimeve zyrtare dhe parësore të Bashkimit Evropian.
• Dallimin e qartë ndërmjet një deklarate politike të ditës dhe një fakti zyrtar institucional.
• Kuptimin më të mirë të mekanizmave kompleksë dhe rregullave të kushtëzimit që përcaktojnë fazat e negociatave.
• Përmirësimin e kapaciteteve për trajtimin kritik të informacioneve që lidhen me procesin e integrimit evropian.

Afati i fundit për aplikim është 19.10.2026.

Aplikimin mund ta dorëzoni në mënyrë elektronike në adresën e emailit contact@znm.org.mk, me shënimin: “APLIKIM PËR TRAJNIM T-AJM – Raportimi etik për procesin e integrimit në BE”.

Për informacione shtesë, personi kontaktues është Verçe Todorovska Kostovska, në adresën vkostovska@znm.org.mk ose në numrin e telefonit 02/3298-139.

Trajnimi realizohet me mbështetjen financiare të Suedisë, përmes projektit “Mbështetje për integrimin evropian të Maqedonisë së Veriut”, i zbatuar nga Zyra e Kombeve të Bashkuara për Shërbime të Projekteve (UNOPS). Përmbajtja e kësaj thirrjeje është përgjegjësi ekskluzive e SHGM-së dhe në asnjë mënyrë nuk mund të konsiderohet se pasqyron qëndrimet e Suedisë dhe UNOPS-it.