Zoran Bozhinovski lëshohet nga paraburgimi

Gazetari Zoran Bozhinovski sot është lëshuar nga paraburgimi nga burgu në Shutkë, konfirmoi Gjykata penale. Pas pothuajse 15 muaj të kaluar në paraburgim, Gjykata penale vendosi të anulojë paraburgimin dhe ta ndërrojë me masa tjera të parandalimit.

“Duke vepruar në propozim të Prokurorit publik për të hequr paraburgimin për të akuzuarin Z.B. i akuzuar për rastin me KOK nr. 79/16 gjyqtari sot vendosi se propozimi i prokurorit pranohet dhe paraburgimi hiqet, dhe në bazë të propozimit përcaktohen masat parandaluese për të siguruar praninë e të akuzuarit gjatë procedurës. Kundër këtij vendimi, e drejta për të apeluar është tre ditë”, është cekur në deklaratën e Gjykatës.

Shoqata e gazetarëve të Maqedonisë vazhdimisht ka bërë përpjekje që Bozhinovskit t’i lejohet të mbrohet në liri. Shumë herë ShGM paralajmëronte se mbajtja në paraburgim të gazetarit për tre vite është praktikë që askund nuk përdoret në shtetet demokratike.

Maqedonia ishte shteti i vetëm në rajonin që kishte gazetar të burgosur. “Lirimi i Bozhinovskit do ta veçojë Maqedoninë nga grupi i shteteve autoritare të Evropës siç janë Turqia, Rusia dhe Azerbajxhani, ku vazhdimisht persekutohen gazetarët”, tha kryetari i ShGM-së, Naser Selmani.

Gazetari Bozhinovski ishte i akuzuar për rastin “Shpion” dhe është akuzuar për konspiracion kriminal, spiunazh dhe shantazh.