U zhvillua punëtori treditore për përgatitjen e planit të ri strategjik të SHGM-së
Shoqata e Gazetarëve të Maqedonisë organizoi punëtori për planifikim strategjik për tre vitet e ardhshme (2023-2026), ndërsa gjatë periudhës së ardhshme do të definohen dhe zbatohen ndryshimet e propozuara në planin strategjik të shoqatës.
Gjatë tre ditëve të punëtorisë në Ohër, u diskutua për të arriturat e deritanishme, për synimet dhe sfidat e ardhshme, mundësitë, si dhe dobësitë, por edhe pikat e forta të organizatës. Konkluzionet që janë bërë kanë të bëjnë me mbështetjen e SHGM-së në ngritjen e vazhdueshme të kapaciteteve të anëtarëve të saj sikurse deri më tani, angazhimin e qendrave rajonale në veprimtaritë e SHGM-së, përfaqësimi i interesave të anëtarëve të saj para institucioneve vendase dhe organizatave ndërkombëtare, rritja e solidaritetit dhe bashkëpunimit në mes gazetarëve, si dhe aktivizimi i Akademisë për Gazetarë, që është një risi në hapësirën gazetareske të Maqedonisë së Veriut.
Në punëtori morën pjesë anëtarët e të gjitha organeve të Shoqatës, gjegjësisht anëtarët e Këshillit Drejtues dhe Mbikëqyrës, Këshillit të Nderit, si dhe një pjesë e koordinatorëve të qendrave rajonale, si dhe koordinatorët e seksioneve tematike të SHGM-së.
Këshilltarët profesionistë, të cilët janë të njohur në praktikën e tyre si konsulentë për planifikim strategjik të organizatave me antarësi në Maqedoni por edhe në rajon, ishin Natalia Bratuljeviq dhe Besim Nebiu.
* Punëtoria u realizua në kuadër të projektit “Mbrojtja e lirisë së shprehjes dhe pavarësisë së medias si shtylla të demokracisë në Republikën e Maqedonisë së Veriut”, të financuar nga Bashkimi Evropian. Qëndrimet dhe mendimet e shprehura në këtë ngjarje nuk përfaqësojnë pikëpamjet zyrtare dhe opinionet e Bashkimit Evropian. Përgjegjësia për pikëpamjet dhe opinionet e shprehura bie mbi organizatorin dhe pjesëmarrësit.
