Nënshkruesit e Memorandumit të Bashkëpunimit, në kuadër të veprimtarisë dhe qëllimeve të tyre kryesore, do të veprojnë së bashku në drejtim të promovimit të mëtejshëm të punës së gazetarëve, mediave, botuesve, agjencive të marketingut, si dhe në drejtim të përmirësimit të standardeve të reklamave dixhitale në territorin e Republikës së Maqedonisë së Veriut. Përmes aktiviteteve të përbashkëta, të tre shoqatat, ndër të tjerash, do të përpiqen për promovimin dhe avancimin e vazhdueshëm të standardeve etike si dhe iniciativat për ndërtimin e kapaciteteve të anëtarëve të tyre.  

Sipas kryetarit të Shoqatës së Gazetarëve të Maqedonisë (SHGM) Mlladen Çadikovski me këtë iniciativë të përbashkët “do të avancohet promovimi dhe zhvillimi i Regjistrit të online mediave profesionale dhe do të forcohet më tej vetë-rregullimi mediatik si një mekanizëm për promovimin e mediave që respektojnë standardet profesionale dhe etike gjatë raportimit të tyre”.  

Kryetarja e Këshillit Drejtues të Këshillit për Etikë në Mediat në Maqedoni (KEMM), Katerina Sinadinovska, theksoi rëndësinë e iniciativës së përbashkët mes KEMM, SHGM dhe Odës Ekonomike, si dhe mundësinë, brenda koordinimit të brendshëm në IAB , të inkurajohet procesi i kyçjes së online mediave individuale në  Regjistrin e online mediave profesionale. “Në të ardhmen, SHGM dhe KEMM do të punojnë në aktivitete konkrete dhe të përbashkëta për anëtarët, në mënyrë që të promovojnë standardet etike, trajnimet e përbashkëta, promovimin e rregullave etike për raportimin, etj.”, tha Sinadinovska. 

Kryetarja e Shoqatës për Reklamim Interaktiv IAB Maqedoni (IAB), Sashka Nikollova njoftoi se “në të ardhmen do të avancohet bashkëpunimi i mëtejshëm me qëllim të përmirësimit të botimit dixhital, promovimit të standardeve etike, si dhe zhvillimit të tregut dixhital dhe reklamimit në Maqedoni”.