U ndanë çmimet për “Raportim profesional për gjendjen e refugjatëve gjatë lëvizjeve të përziera migruese në vitin 2016 në Republikën e Maqedonisë së Veriut“

Shoqata e gazetarëve të Maqedonisë dhe Shoqata e avokatëve të rinj në bashkëpunim me Zyrën e komisariatit të lartë për refugjatë të kombeve të bashkuara në Shkup i ndanë shpërblimet për konkursin: “Shpërblim për raportim profesional për gjendjen e refugjatëve gjatë lëvizjeve të përziera migruese në vitin 2016 në Maqedoni “.

Kjo ngjarje u organizua në Klubin e gazetarëve, ku u ndanë çmimet në tre kategori: emision, film dokumentarë të shkurtër, artikull ose seri e artikujve si dhe për kategorinë për fotografi më të mirë.

Vendin e parë për kategorinë për fotografi më të mirë e fitoi Robert Atanasovski për fotografinë e tij me titull “Vajza me valixhe” që është publikuar në Frans Press dhe në portalin MKD.

Në kategorinë për artikull ose seri e artikujve, vendin e parë e fitoi Marija Tasev për artikullin “Në Alepon time të bukur tani ka mbetur vetëm barut dhe vdekje” i publikuar në gazetën Dnevnik.

Millka Smilevska e fitoi vendin e parë në kategorinë për emision, artikull ose film dokumentarë të shkurtër. Ajo vendin e parë e meritoi me artikullin “Të mbërthyer në mes të zonës” i publikuar në televizionin Aljazeera.

Pjesë e komisionit për shpërblime ishte edhe përfaqësuesi i ShGM-së Stole Naumov i cili në fjalimin e tij e theksoi rolin e rëndësishëm që e kanë gazetarët gjatë krizës migruese. “Është nderë për ShGM-në të jetë pjesë e ngjarjes me karakter human. Përderisa politikanët, qeveritë, shtetet ndërtonin mure, gazetarët dhe fotoreporterët me fotografitë dhe artikujt e tyre i prishnin këto mure, e provokonin ndërgjegjen e emigrantëve, shkaktonin veprime edhe pse për fat të keq për shkak të shtypjes, mbylljes së mediave si dhe mos pagimi i rrogave edhe gazetarët në shtetin e tyre ndjehen si emigrantë” tha Naumov.

Gjatë ngjarjes fjalim mbajti edhe përfaqësuesi i UNHCR-së Shkup, zoti Mohamad Arif. Ai në fjalimin e tij i përshëndeti gazetarët dhe i përkrahu për të gjithë mundin që e japin për ngritje të ndërgjegjes tek opinioni për vuajtjet e refugjatëve. “Jam i bindur që nëse i ofrohet mundësia cilit do njëri humanitarë që të zgjedhë karrierën e tij prej fillimit, ai ose ajo prap do të bënin zgjedhjen e njëjtë, edhe unë do të kisha bërë ashtu, sepse nuk ekziston asnjë aktivitet që është me vlerë më të madhe se ndihma e pambrojturve. Këtu dua të theksoi edhe punëtorët mediatik – pa ju, nuk do të kishim mundur të ngrisim ndërgjegjen për vuajtjet e emigrantëve në mënyrën që e bëjmë tani”, tha z. Mohamad Arif.