U mbajt takim pune mes SHGM-së dhe Odës së mjekëve të Republikës së Maqedonisë së Veriut

Shoqata e Gazetarëve të Maqedonisë dhe Oda e Mjekëve të Republikës së Maqedonisë së Veriut, dje në ambientet e SHGM-së mbajtën një takim pune me kërkesë të Odës. Në këtë takim, të dyja palët u zotuan që në të ardhmen të nënshkruajnë një memorandum bashkëpunimi në bazë të të cilit do të përcaktohen aktivitetet specifike për përmirësimin e bashkëpunimit ndërmjet dy profesioneve. 

Mlladen Çadikovski, kryetar i SHGM-së dhe Dragan Sekulovski, drejtor ekzekutiv i SHGM-së takuan Prof. Dr. Kalina Grivçeva – Stardelova, kryetare e Odës së Mjekëve dhe Dr. Ylber Besimi, nënkryetar i Odës. 

Qëllimi i takimit ishte të shkëmbehen ide në lidhje me përmirësimin e komunikimit mes gazetarëve dhe mjekëve. 

U konstatua se si gazetarët ashtu edhe mjekët ishin të ekspozuar në mënyrë të barabartë ndaj publikut, veçanërisht gjatë periudhës së pandemisë Kovid-19, gjë që ngriti më tej nevojën për një bashkëpunim më të madh mes dy palëve. 

Në të ardhmen do të ketë iniciativë për një takim më të gjerë mes gazetarëve dhe kryeredaktorëve që raportojnë për sektorin e shëndetësisë dhe përfaqësuesve të Dhomës së Mjekëve. Gjatë takimit u theksuan edhe pikat kritike nga të dyja palët, si për shembull informimi në kohë dhe disponueshmëria e burimit për gazetarët dhe publikimi i lajmeve të vërteta dhe cilësore për mjekët.