U mbajt debati me temë: “Liria e fjalës dhe korniza ligjore”

Shoqata e Gazetarëve të Maqedonisë organizoi debat me temë: “Liria e fjalës dhe korniza ligjore”. Debati ishte i organizuar në kuadër të projektit “Rrjetëzimi i gazetarëve për lirinë e mediave në Maqedoni”, ndërsa pjesëmarrës në të ishin kryetari i SHGM-së – Naser Selmani, ish kryetari i Shoqatës së Gazetaëve të Kroacisë – Sasha Lekoviq dhe sekretari gjeneral i Federatës Evropiane të Gazetarëve – Rikardo Gutierez.

Qëllimi kryesor i ngjarjes ishte të kontribuojë dhe të ofrojë zgjidhje në debatin publik për reformat e duhura sistematike që duhet të zbatohen, me qëllim që të ngritët niveli i lirisë së mediave dhe siguria e gazetarëve.

U konstatua se fokusi i qeverisë së re, por edhe i aktorëve të tjerë duhet të jenë reformat gjithëpërfshirëse në sektorin mediatik që nënkupton ndryshime në ligjet që rregullojnë punën e gazetarëve dhe mediave.

Vetëm implementimi i tërësishëm i këtyre ligjeve mund të kontribuojë për krijimin e një ambienti të volitshëm dhe të sigurt për punën e gazetarëve në vend, por edhe për krijimin e imazhit të mirë të shtetit kur flitet për indeksin e lirisë së të shprehurit.

Në videon në vijim mund ta ndiqni tërë debatin.