U formua seksioni i gazetarëve të rinj në SHGM

Me iniciativën e një grupi gazetarësh të rinj nga disa media të ndryshme, sot u themelua seksioni i gazetarëve të rinj në SHGM. Në takimin, ku morën pjesë rreth dyzet pjesëmarrës, u debatua se cilat do të jenë prioritetet dhe synimet e këtij seksioni në vitin 2022. Rrjetëzimi mes redaksive, përmirësimi i statusit socio-ekonomik të gazetarëve të rinj, ngritja e aftësive të tyre për raportim të avancuar dhe respektimi i standardeve profesionale të gazetarisë ishin vetëm disa nga temat për të cilët u diskutua në këtë forum.

Qëllimi i krijimit të seksionit është në radhë të parë të promovohet gazetaria si një profesion atraktiv, sepse sot ka gjithnjë e më pak interes për të, dhe shumë redaksi në vend përballen me probleme serioze për të gjetur gazetarë për t’i punësuar. Gjithashtu, seksionet synojnë të ndërtojnë një solidaritet më të madh në profesionin e gazetarisë dhe të përmirësojnë më tej njohuritë e gazetarëve si profesionistë në këtë sektor. Krahas popullarizimit, seksioni në të ardhmen, përmes ngritjes së kapaciteteve, do t’u mundësojë gazetarëve të rinj që të fitojnë jo vetëm mundësinë për të dëgjuar përvoja nga media të tjera dhe një pasqyrë historike se si kanë ndryshuar gjërat, por edhe për standardet profesionale dhe vijat e kuqe në këtë profesion.

Në këtë ngjarje fjalime mbajtën Mlladen Çadikovski, kryetar i SHGM-së, Sashka Cvetkovska, koordinatore e iniciativës për formimin e Seksionit të gazetarëve të rinj në SHGM dhe Dragan Sekullovski, drejtor ekzekutiv në SHGM i cili e prezantoi qëllimin për formimin e këtij seksioni.