Trajnim për avokim të punonjësve të ShGM-së

Të punësuarit në zyrën e Shoqatës së gazetarëve të Maqedonisë morën pjesë në trajnimin “Ndërtimi i strategjisë për avokim dhe lobim”. Trajnimi ishte i organizuar në kuadër të projektit: “Platforma rajonale e Ballkanit perëndimor për avokim të lirisë së mediave dhe mbrojtjen e gazetarëve” i cili është i mbështetur nga Bashkimi Evropian dhe zbatohet në shtetet e Ballkanit perëndimor.

Trajnimi dy ditësh u mbajt në hapësirat e ShGM-së nga trajnuesja Suzana Jashiq nga Kroacia. Jashiq është ekspert në fushën e avokimit dhe lobimit dhe është kryetare shumëvjeçare e organizatës civile GONG, qëllimi kryesor i të cilës është avancimi dhe promovimi i të drejtave të njeriut dhe të drejtave qytetare.

Ky trajnim shërbeu për krijimin e strategjisë afatgjate të ShGM-së në fushën e avokimit dhe lobimit për liritë dhe të drejtat e gazetarëve. Njohuritë e përfituara ndihmojnë në ndërtimin e kapaciteteve të Shoqatës dhe të punësuarve me qëllim që të ndikohet në përmirësimin e lirive të mediave dhe për sigurinë e gazetarëve nëpërmjet të mënyrave bashkëkohore të lobimit dhe avokimit.