Trajnim i realizuar lidhur me temën e aftësive negociuese për anëtarët e rrjetit Safe Journalists
Gjatë dy ditëve të fundit, përfaqësues nga shoqatat dhe organizatat që janë anëtare të rrjetit Safe Journalists morën pjesë në trajnimin “Aftësit për negociata” që u zhvillua në Podgoricë të Malit të Zi. U trajtuan tema të rëndësishme dhe u ndanë përvoja dhe shembuj praktikë në drejtim të forcimit të kapaciteteve të çdo organizate individualisht dhe si rrjet rajonal.
Vëmendje e veçantë iu kushtua temave që lidhen ngushtë me negociatat, si planifikimi strategjik dhe promovimi i komunikimit efektiv. Në të njëjtën kohë u ndanë edhe mjetet për avancimin e teknikave për zgjidhje të konflikteve si dhe etikën negociuese në realizimin e këtyre proceseve.
Nënkryetarja e Sindikatit të Malin e Zi, Marijana Çamoviq Veliçkoviq theksoi: “Ky trajnim për aftësitë dhe teknikat e negociatave është ajo që i duhej të gjithë rrjetit rajonal Safe Jorunalist, por edhe çdo organizate që e përbën atë individualisht. Pres që në dy ditët që do të zgjasë trajnimi të fitojmë njohuri të reja dhe të mund të luftojmë më mirë për të drejtat e gazetarëve dhe sigurinë e tyre në nivel rajonal dhe kombëtar.
Kur bëhet fjalë konkretisht për Sindikatin e Mediave të Malit të Zi, dhe besoj edhe organizata të tjera nga ky rrjet rajonal, ky trajnim do të na ndihmojë të zotërojmë më mirë negociatat me punëdhënësit në lidhje me marrëveshjet kolektive dhe bisedat individuale me pronarët e mediave ku punojmë ne dhe anëtarët tanë”.
Trajnimi u organizua në kuadër të projektit: “Platforma rajonale e Ballkanit Perëndimor për përfaqësimin e lirisë së medias dhe sigurisë së gazetarëve” i cili mbështetet nga Bashkimi Evropian dhe zbatohet në vendet e Ballkanit Perëndimor.
Ky trajnim shërbeu për ndërtimin e kapaciteteve të organizatave anëtare të rrjetit Safe Journalists në fushën e avokimit dhe lobimit për të drejtat dhe liritë e gazetarëve.
Qëllimi është që me njohuritë e marra të ndihmohet në ndërtimin e kapacitetit të rrjetit dhe anëtarëve të tij, që të kenë mundësinë të ndikojnë në përmirësimin e lirisë së medias dhe sigurisë së gazetarëve përmes mënyrave moderne të lobimit dhe përfaqësimit, përmes procesit të negociatave.
