Për ndarjen e shpërblimit për tekst/video gazetareske me temën e përballjes me ndotjen e ajrit në Republikën e Maqedonisë së Veriut
Shoqata e Gazetarëve të Maqedonisë (SHGM) në bashkëpunim me Programin e Kombeve të Bashkuara për Zhvillim (UNDP) shpall Thirrje publike me temë: “ Përballja me ndotjen e ajrit – përforcimi i vetëdijes publike për problemet dhe zgjidhjet e mundshme” – si të rritet vetëdija për problemin ekzistues dhe mënyrat më të mira për ta zgjidhur atë.
Kriteret:
– Teksti ose videoja duhet të jetë vepër autentike, e cila duke respektuar standardet më të larta etike në profesionin e gazetarisë, do të ndërgjegjësojë qytetarët për tema që kanë të bëjnë me cilësinë e ajrit dhe ndotjen e ajrit, por edhe do të përpiqet të ofrojë zgjidhje të mundshme lidhur me këtë problematikë.
– Produkti mediatik duhet të jetë në formë teksti ose videoje në gjuhën maqedonase ose në gjuhën e komuniteteve etnike.
– Produkti mediatik të jetë i publikuar në një media tradicionale ose online të regjistruar në vend, në periudhën nga janari i vitit 2020 deri në shtator të vitit 2021.
– Aplikacioni duhet të ketë maksimumi dy tekste ose artikuj nga i njëjti autor/autorë. Mund të bëhet përjashtim nëse bëhet fjalë për tekst ose në bashkëngjitje seri artikujsh.
Si të aplikoni:
Materiali i publikuar duhet të dorëzohet në SHGM jo më vonë se data 26 nëntor (e premte) 2021, si më poshtë:
Me postën elektronike: contact@znm.org.mk, person i kontaktit: Elizabeta Stoleva 02 / 3298-139
Me postë të rekomanduar, me adresë: Shoqata e Gazetarëve të Maqedonisë, Gradski Xid, blloku 13, 1000 Shkup, RVM
Aplikimet duhet të jenë të shënuara: “PËR ÇMIM” në temën ( subject) të porosisë elektronike ose të shkruara në zarf.
Për çdo aplikim të arritur do të dërgohet konfirmim që është pranuar.
Shuma e shpërblimeve në para (kundrejt vlerës në denarë):
Çmimi i parë: 70.000 denarë
Çmimi i dytë: 50.000 denarë
Çmimi i tretë: 30.000 denarë
Nëpërmjet thirrjes publike pritet të aplikojnë gazetarë/autorë që kanë publikuar artikuj gazetaresk, video ose hulumtime me këtë temë, të cilat do të mund të kontribuojnë në një fokus më të madh ndaj ndotjes, njohjen më të mirë të burimeve të ndotjes, por edhe farë përpjekje të e deritanishme janë bërë ose po bëhen nga aktorë të ndryshëm për ta ulur ndotjen e ajrit.
Për projektin:
Programi i Kombeve të Bashkuara për Zhvillim (UNDP), në partneritet me Qytetin e Shkupit dhe Ministrinë e Mjedisit dhe Planifikimit Hapësinor (MMPH), po zbaton projektin “Përballja me ndotjen e ajrit në Qytetin e Shkupit”. Projekti mbështet financiarisht nga Agjencia Suedeze për Bashkëpunim dhe Zhvillim Ndërkombëtar – AIDS.
Projekti ka katër komponentë kryesorë:
Komponenti 1: Zhvillimi i një sistemi gjithëpërfshirës monitorimi për pilot-zonën dhe platformë koordinuese për menaxhimin e ndotjes së ajrit;
Komponenti 2: Zbatimi i ndryshimeve rregullatore të nevojshme për kalimin në një sistem energjie për amvisëritë me emetim më të ulët;
Komponenti 3: Demonstrimi i masave lidhur me shkaqet e ndotjes për ngrohjen e amvisërive;
Komponenti 4: Fuqizimi i ndërgjegjësimit publik.
Projekti synon të përforcojë koordinimin mes të gjitha palëve përgjegjëse për tejkalimin e problemit të ndotjes së ajrit.
Studimet e mëparshme të kryera nga UNDP dhe subjekte të tjera kanë treguar se ka mungesë të informacionit përkatës në publik për burimet dhe efektet e ndotjes së ajrit, si dhe njohuri të pamjaftueshme për mënyrat dhe mjetet efektive për tu përballuar me problemin. Përveç të gjitha palëve të përfshira në këtë çështje, mediat gjithashtu luajnë rolin kryesor në paraqitjen e duhur të fakteve, prezantimin e praktikave të mira dhe të këqija, ndërgjegjësimin dhe kontributin në rritjen e njohurive në gjetjen e zgjidhjeve në përballjen me ndotjen e ajrit.
