Thirrje publike për çmime e gazetarisë për kreativitet dhe etikë gazetareske
Shoqata e Gazetarëve të Maqedonisë (SHGM) në partneritet me Programin për zhvillim të Kombeve të Bashkuara (UNDP) shpall konkursin vjetor për çmimet e gazetarisë në mënyrë që të inkurajojë dhe shpërblejë raportimin cilësor dhe etik, të dedikuar ndaj raportimeve të sakta dhe profesionale. Qëllimi i kësaj thirrjeje është të tërheqë aplikime të cilat para së gjithash do të fokusohen në raportimet mediatike që analizojnë dezinformatat në shoqëri dhe storjet e pasakta, pavarësisht nga burimi i tyre. Çmimet i dedikohen luftës kundër dezinformimit dhe promovimit të raportimit të ndjeshëm gjinor, duke nxitur forcimin e gazetarisë me integritet.
Komisioni përzgjedhës do t’i kushtojë vëmendje të veçantë cilësisë dhe origjinalitetit të hulumtimit dhe analizës gazetareske, saktësisë, rëndësisë dhe ndikimit/shpërndarjes së temës në publik.
Kohëzgjatja e thirrjes: nga 12.03.2024 deri më 12.04.2024.
Fondi i parave në shumën bruto: për çmimin e parë 125.000 denarë, për çmimin e dytë 75.000 denarë, dhe për çmimin e tretë 50.000 denarë.
Kriteret për të aplikuar për çmimet e gazetarisë:
- Çdo aplikues mund të paraqesë më së shumti dy aplikime në të cilat ai ose ajo paraqitet si autor/e ose bashkë-autor/e,
- Në aplikim, aplikuesit duhet të shpjegojnë shkurtimisht përse mendojnë se aplikimi i tyre i plotëson kushtet e vendosura dhe objektivat e thirrjes
- Publikimet mediatike duhet të jenë publikuar në media tradicionale ose online që janë të regjistruara në Maqedoni, me përjashtim të postimeve në platformën www.jasno.mk e cila është në kornizat e kësaj nisme të SHGM-së dhe UNDP-së
- Përmbajtjet mediatike duhet të publikohet në periudhën prej 01.01.2023 deri më 31.12.2023.
Mënyra dhe afati i aplikimit
Të interesuarit duhet të dorëzojnë aplikimin e tyre me email në adresat në vijim: contact@znm.org.mk me referencë “PËR SHGM / ÇMIMI UNDP ” ose me postë deri te: Здружение на новинарите на Македонија (Shoqata e gazetarëve të Maqedonisë), Gradski Zid Blok 13, 1000 Shkup.
Afati i fundit për dorëzimin e aplikimeve është 12 Prill 2024 (e diel) deri në orën 23:55, KEQ.
Vetëm aplikimet që plotësojnë kriteret e specifikuara do të merren parasysh.
Për informata shtesë, gazetarët e interesuar mund të kontaktojnë në numrin 02/3 298 139, çdo ditë pune nga ora 08:00-16:00.
Ky aktivitet është pjesë e nismës “Forcimi i kapaciteteve të komuniteteve lokale për ballafaqim me dezinformimin dhe dezinformimin me bazë gjinore”, i cili zbatohet me mbështetje financiare nga Danimarka, Luksemburgu, Republika e Koresë dhe Suedia, në kuadër të programit UNDP Funding Windows.
