THIRRJE PUBLIKE NDARJEN E ÇMIMEVEPËR RAPORTIM PROFESIONAL MBI SITUATËN E REFUGJATËVE DHE PERSONAVE PA SHTETËSI NË REPUBLIKËN E MAQEDONISË SË VERIUT PËR VITIN 2019

Shoqata e Gazetarëve të Maqedonisë në bashkëpunim me Shoqatën Maqedonase të Juristëve të Rinj dhe Komisionarin e Kombeve të Bashkuara për Refugjatë – UNHCR shpallin “Thirrje publike për ndarjen e çmimeve për raportim profesional mbi situatën e refugjatëve dhe personave pa shtetësi në Republikën e Maqedonisë së Veriut për vitin 2019”

Dorëzimet duhet të bien në kategoritë e mëposhtme:

• Një artikull ose seri artikujsh
• Emision, shtesë, dokumentar i shkurtër
• Fotografi

Dorëzimet duhet të përqëndrohen në përvojën e refugjatëve, azilkërkuesve,kërkuesve të mundshëm të azilit dhe personave pa shtetësi, si dhe të kenë kontribuar në informimin dhe ndërgjegjësimin e publikut mbi çështjet që lidhen me to.

Të gjithë dorëzimet e dërguar do të vlerësohen në bazë të kritereve të mëposhtme:

• Është realizim gazetaresk i autorit i publikuar në media gjatë vitit 2019 (nga 01.01.2019 deri më 31.12.2019)
• Përfshin histori autentike në lidhje me përvojën e refugjatëve dhe azilkërkuesve
• Tregon ndjeshmëri dhe respekt për refugjatët dhe personat pa shtetësi
• Shmangin senzacionalizimin dhe stereotipet
• Kandidatët janë shtetas të Republikës të Maqedonisë së Veriut

Artikujt dhe fotografitë e dorëzuara do të vlerësohen nga një Komision i përbëre nga gazetarë të shquar, fotoreporterë dhe ekspertë të medias nga Shoqata e Gazetarëve të Maqedonisë, anëtarë të Shoqatës Maqedonase e Juristëve të Rinj dhe nga përfaqësues të Përfaqësuesit të UNHCR-së në Shkup. Komisioni do të vlerësojë çdo dorëzim individualisht duke u përqëndruar në atë se si janë paraqitur historitë të refugjatëve ose të personave pa shtetësi dhe nëse ajo përmban tiparet e raportimit profesional.

E rëndësishme:

• Autori mund të konkurrojë me deri në 3 artikuj / histori / fotografi;
• Punimet gazetareske të përgatitura në vitin 2019 në suaza të projektit të SHMJRr dhe UNHCR nuk kualifikohen për këto çmime;
• Artikujt e shkruara duhet dërguar në formatin PDF, me datë të përcaktuar të botimit;
• Video materialet duhet dërguar nëpërmjet platformës We Transfer,me datë të përcaktuar të botimit;
• Fotografitë të jenë në formatin JPG, të paktën 2000 piksele në anën e gjatë dhe me rezolucion 300 dpi. Të specifikohet data e botimit dhe media ku është botuar.
• Të gjitha aplikimet mund të dërgohen me e-mail në contact@myla.org.mk, ku në titullin do të shkruhet titulli i konkursit; ose të dorëzohen me postë/dërgesë në zyrën e Shoqatës së juristëve të rrinj të Maqedonisë, në Rr. Donbas 14 / 1-6, 1000 Shkup në zarf të vulosur me titullin e thirrjes.
• Më shumë informacione në lidhje me thirrjen dhe dorëzimin e artikujve mund të merrni në tel.071/395-399 ose në otanceva@myla.org.mk

Për dorëzimet më të suksesshëm do të jepen ngatri çmime për tri kategoritë të ndryshme, me një vlerë totale prej 120.000 denarë, si më poshtë:

• çmim në kategorinë “artikull ose seri artikujsh”– 40 000 denarë;
• çmim në kategorinë “emision, shtesë, dokumentar i shkurtër”– 40 000 denarë;
• çmim në kategorinë “fotografi”- 40 000 denarë;

Afati i fundit për aplikim është 05.07.2020.

Fituesit do të shpallen deri  më 25.07.2020.