THIRRJE PËR PJESËMARRJE: SHKOLLA VERORE T-AJM PËR GAZETARË TË RINJ NË OHËR, 21-25 KORRIK 2026
Shoqata e Gazetarëve të Maqedonisë (SHGM), në kuadër të Akademisë së Trajnimit për Gazetarë dhe Punonjës Mediatikë (T-AJM), organizon një shkollë verore për gazetarë dhe punonjës të rinj mediatikë, e cila do të mbahet nga 21 deri më 25 korrik në Ohër.
Pse të merrni pjesë?
Ky trajnim do të ndihmojë në:
- përmirësimin dhe avancimin e njohurive dhe aftësive të gazetarëve për tema të rëndësishme si siguria në hapësirën fizike dhe digjitale, gazetaria hulumtuese dhe raportimi etik, si dhe tema të ngjashme që lidhen me mbrojtjen e gazetarëve dhe liritë mediatike;
- krijimin e rrjeteve profesionale përmes shkëmbimit të përvojave dhe diskutimeve me gazetarë dhe redaktorë nga media të tjera për sfidat e përbashkëta me të cilat përballen në redaksitë e tyre.
Kriteret për aplikim:
- Biografi e shkurtër në formë elektronike (Word ose PDF);
- Letër e shkurtër motivimi (jo më shumë se 300 karaktere) ku do të tregoni pse dëshironi të merrni pjesë në shkollën verore;
- Gazetarët duhet të jenë të moshës 18 deri në 35 vjeç.
Aplikimet dorëzohen në formë elektronike, me shënimin: “APLIKIM PËR SHKOLLËN VERORE T-AJM 2026” në adresën elektronike: bnasteska@znm.org.mk
Afati i fundit për aplikim është 30.06.2026.
Të gjitha shpenzimet e pjesëmarrësve do të mbulohen, përfshirë transportin, akomodimin dhe ushqimin. Përparësi do të kenë gazetarët që deri më tani nuk kanë marrë pjesë në trajnimet e organizuara nga SHGM.
Pas përfundimit të trajnimeve në kuadër të shkollës verore, pjesëmarrësit do të marrin certifikatë pjesëmarrjeje.
Për informata shtesë, person kontakti: Biljana Nasteska Kalanoska; bnasteska@znm.org.mk; 02/3298-139.
