THIRRJE PËR PJESËMARRJE NË KAMP VEROR PËR SIGURINË E GAZETARËVE TË RINJ

Shoqata e Gazetarëve të Maqedonisë (SHGM) në bashkëpunim me Misionin e OSBE-së në Shkup shpall “Thirrje për aplikim për pjesëmarrje në Kampin veror për sigurinë e gazetarëve të rinj” që do të mbahet nga 11 deri më 15 korrik 2023 në Ohër.

Kampi është i dedikuar kryesisht për gazetarët e rinj (deri në 35 vjeç) të cilët merren me raportim të angazhuar dhe të avancuar gazetaresk në baza ditore.

Kampi është i destinuar kryesisht për gazetarët e rinj (deri në 35 vjeç) të cilët raportojnë çdo ditë nga terreni ose kontaktojnë rregullisht me publikun drejtpërdrejt ose përmes kanaleve të komunikimit në internet si pjesë e detyrave të tyre në redaksi. Në veçanti inkurajojmë gazetarët e rinj që nuk janë nga Shkupi që të aplikojnë.

Kampi do të mbahet në bregun e liqenit të Ohrit dhe do të realizohet përmes një programi të balancuar me përmbajtje informative, edukative dhe argëtuese.

Qëllimi i këtij evenimenti është të kontribuojë në ngritjen e kapaciteteve dhe përmirësimin e sigurisë së përgjithshme të gazetarëve nëpërmjet socializimit dhe shkëmbimit të përvojave dhe aftësive praktike promovimit të bashkëpunimit më të mirë ndërmjet kolegëve, si dhe shkëmbimit të përvojave lokale dhe kuptimin më të mirë të dimensioneve gjinore të sigurisë. Një theks i veçantë do t’i kushtohet sigurisë fizike dhe dixhitale për gazetaret femra, si dhe aftësive profesionale dhe njohurive të etikës gazetareske dhe rolit të gazetarëve në mbrojtjen e të drejtave të njeriut duke përdorur teknika të plota gazetareske, qasje të reja dhe mjete multimediale dixhitale, përfshirë ato të zhvilluara nga Misioni.

Në kuadër të aktiviteteve të planifikuara në pjesën e punës së kampit veror, përveç prezantimeve edukative të udhëhequra nga trajnerë me përvojë, punëtorive interaktive dhe punës në grupe përmes takimeve joformale dhe shoqërimit të përbashkët, do të shkëmbehen përvoja praktike mes ligjeruesve dhe pjesëmarrësve.

Të gjithë të interesuarit për t’u regjistruar në kampin veror duhet të paraqesin:

• Biografi të shkurtër në formë elektronike (Word, pdf),

• Tekst të shkurtër (jo më shumë se 300 karaktere) – për të treguar se çfarë ju motivon të merrni pjesë në një kamp veror sigurie për gazetarët e rinj?

Aplikimet duhet të dorëzohen në SHGM jo më vonë se 20 qershor  2023, përkatësisht:

Në e-mail adresën: mspirovski@znm.org.mk

Personi kontaktues për informata shtesë: Milan Spirovski – 02/3298-139.

Të gjitha shpenzimet e pjesëmarrësve përfshirë transportin lokal, akomodimin dhe ushqimin do të mbulohen. Pas përfundimit të kampit veror, çdo pjesëmarrës do të marrë një certifikatë për pjesëmarrjen nga organizatorët.

Në rreshtin e subjektit të email-it duhet të shënohet “APLIKIM PËR KAMPIN VEROR 2023”. Çdo aplikues do të marrë një mesazh kthyes se është pranuar aplikimi.

Do të shqyrtohen vetëm aplikacionet e pranuara deri më 20.06.2023.