Thirrje për aplikime për ciklin e trajnimeve për gazetarë – hulumtues të rinj

Shoqata e gazetarëve të Maqedonisë (ShGM) në bashkëpunim me Ambasadën e Amerikës në Shkup, organizojnë cikël të trajnimeve për hulumtime kreative gazetareske me temë: “Avancimi i teknikave për hulumtim dhe prezantim kreativ”.

Trajnimet do të mbahen një herë në javë (katër herë në muaj) dhe do të zgjasin tetë muaj duke filluar nga midisi i muajit nëntor të këtij viti. Në trajnimet mund të marrin pjesë gazetarë të rinj dhe persona që dëshirojnë të përmirësojnë njohuritë e tyre në lidhje me hulumtimet tematike dhe prezantimi kreativ i tyre, por që janë në moshë deri më 30 vjet.

Ligjërimet interaktive do t’i zbatojnë Zoran Dimimtrovski (kryeredaktor i gazetës javore “Fokus”), Zoran Riçliev (gazetar dhe konsulent për media digjitale), ndërsa një herë në muaj ligjërim do të mbajnë edhe ekspertët nga fusha e hulumtimeve gazetareske nga qendra hulumtuese MuckRock nga ShBA.

Në trajnimet do të përfshihen më shumë tema mediatike siç janë: shkrim-leximi medial, zhanret mediatike, mediat sociale, multimedia, gazetaria hulumtuese etj. Ligjërimet do t’iu mundësojnë pjesëmarrësve të fitojnë njohuri, teknika dhe shkathtësi për të shkruar në mënyrë profesionale nëpërmjet të ushtrimeve si dhe nëpërmjet të punës individuale dhe në grupe. Gjithashtu, pjesëmarrësit do të mësojnë edhe teknika të prezantimit të rezultateve të fituara nga hulumtimet, duke përdorur metoda dhe teknika kreative nëpërmjet të videove, infografikëve dhe mjete të tjera vizuale.

Për prodhimet gazetareske të cilët do të dalin nga trajnimet, ShGM do të sigurojë hapësirë në ueb faqen e vet dhe ato do të jenë të promovuara dhe në dispozicion për publikun së bashku me autorët që do të jenë pjesë e procesit të këtyre trajnimeve.

Ligjërimet interaktive do të mbahen në gjuhën maqedonase, me përjashtim të onlajn ligjërimeve të cilët do të zhvillohen në gjuhën angleze. Për atë pjesëmarrësit në trajnimet duhet të kenë njohuri të mira të gjuhës angleze.

Pas përfundimit të ciklit të trajnimeve, pjesëmarrësit do të fitojnë certifikata për pjesëmarrje në ngjarje të organizuar nga ShGM dhe Ambasada e ShBA në Shkup. Shpenzimet për ligjërimet dhe trajnimet për pjesëmarrësit do të mbulohen nga ana e organizatorëve.

Kandidatët duhet të dërgojnë biografi të shkurtër si dhe letër motivimi në adresën elektronike të ShGM-së (contact@znm.org.mk), jo më vonë se 10 nëntor, viti 2017 me titull: “Paraqitje për ciklin e trajnimeve”.

Kandidatët e zgjedhur do të kontaktohen për më shumë detaje.