Thirrje e hapur për bursa gazetareske në ShBA

Është hapur thirrje për bursa për gazetarë të rinj nga Republika e Maqedonisë. Shtatë gazetarë që kanë së paku 3 vjet përvojë pune do të kenë mundësinë të kalojnë dhjetë javë në Shtetet e Bashkuara.

Bursa parasheh trajnim 3 javësh në universitetin prestigjioz për gazetari në Misuri, dhe 6 javë punë praktike në mediat më të mëdha në ShBA.

Trajnimi i përgatit gazetarët, redaktorët dhe producentët të praktikojnë gazetari profesionale, etike dhe inventive në redaksionet e tyre.

Afati i fundit për aplikim është 5 janar, viti 2018, ndërsa mund të aplikojnë gazetarë në moshë prej 25 deri 35 vjet të cilët kanë njohuri të mira të gjuhës angleze.

Këto bursa janë mundësuar nga Alfred Friendly Press Partners dhe Ambasada e Amerikës në Shkup, ndërsa ShGM ndihmon në promovimin e kësaj thirrjeje me qëllim që e njëjta të distribuohet deri te të gjithë gazetarët në Maqedoni.

Më shumë detaje në lidhje me aplikimin mund të gjeni në këtë hallkë.