Të ndërpritet dhuna kundër gazetarëve në Maqedoni

Shkup, 11 Mars – Rrjeti rajonal për promovimin e lirisë së mediave dhe sigurinë e gazetarëve, shpreh solidaritet të plotë dhe mbështetje për gazetarët dhe nëpunësit e medias në Maqedoni, të cilët përballen me presione të vazhueshme duke përfshirë  edhe sulmet fizike dhe kërcënimet me vdekje.

Veçanërisht shqetëson fakti që në sulmet e koordinuara janë të përfshirë edhe bartës të funksioneve publike dhe përfaqësues të institucioneve shtetërore. Në katër vitet e fundit në Maqedoni janë regjistruar 44 sulme kundër gazetarëve, prej të cilëve vetëm në vitin e fundit 19.

“Derisa Gjykata evropiane për të drejtat e njeriut në Strazburg konstaton shkeljen e lirisë së fjalës, institucionet e Maqedonisë nuk kanë dënuar asnjë sulmues të gazetarëve”, theksoi Naser Selmani, kryetar i SHGM.

Anëtarët e këtij rrjeti rajonal, e cila angazhohet për lirinë e fjalës dhe për sigurinë fizike të gazetarëve, kërkon nga institucionet e Maqedonisë mënjëherë të pengojnë çdo lloj të dhunës kundër gazetarëve dhe mënjëherë dhe në mënyrë efikase të hetojnë të gjitha sulmet e deritashme, respektivisht të zbulohen dhe dënohen aktorët dhe inspiruesit e sulmeve.

Rrjeti rajonal fuqishëm mbështet Shoqatën e gazetarëve të Maqedonisë dhe përpjekjet e saj për mbrotjen e gazetarëve dhe lirisë së fjalës. Njëkohësisht ftojmë organizatat ndërkombëtare të ushtrojnë presion shtesë ndaj autoriteteve maqedone të respektojnë lirinë e fjalës dhe ta garantojnë sigurinë e gazetarëve.

Çdo sulm kundër gazetarëve është sulm kundër interesit publik, demokracisë dhe të drejtave të gjithë qytetarëve.

Shkup – Beograd – Podgoricë – Prishtrinë – Sarajevë – Zagreb

Shoqata e gazetarëve të B dhe H

Shoqata kroate e gazetarëve

Sindikata e mediave të Malit të Zi

Asociacioni i gazetarëve të Kosovës

Shoqata e pavarur e gazetarëve të Serbisë

Shoqata e gazetarëve të Maqedonisë