Takohen Vanhojte dhe Forumi i gazetarëve

Shoqata e gazetarëve të Maqedonisë organizoi takim për përforcimin e kapaciteteve të anëtarëve të Forumit të gazetarëve në Maqedoni.

I angazhuar si ekspert për këtë takim ishte përfaqësuesi i Evropës Piter Vanhojte, i cili gjatë takimit i përfshiu të gjitha temat relevante për gazetarinë në Republikën e Maqedonisë. Pjesëmarrësit kishin mundësi të dëgjojnë për praktikat evropiane në fushë të gazetarisë, për legjislacionin mediatik si dhe për vete rregullimin në mediat.

Në fund u zhvillua bisedë e hapur për reformat të cilët duhet të zbatohen në shtetin tonë në lidhje me Radiotelevizionin e Maqedonisë, Agjencisë për shërbime mediatike audio dhe audio-vizuale, por edhe për kushtet në të cilët mediat private mund të funksionojnë më së miri.

Takimet e tilla janë të rëndësishme për gazetarët vendas, sepse duke shqyrtuar praktikat evropiane ndërmerren hapa për implementimin e tyre edhe në shtetin tonë, përforcohen njohuritë dhe kapacitetet e gazetarëve dhe ndihmohet për zhvillimin e gazetarisë së pavarur.

Pas takimit Vanhojte dhe ShGM zhvilluan takime me përfaqësues të komunitetit ndërkombëtar, me gazetarë dhe me Kryetarin e Kuvendit të Republikës së Maqedonisë.

Ky aktivitet ishte i organizuar në kuadër të projektit “Rrjetëzimi i gazetarëve për lirinë e mediave” i cili është i financuar nga Unioni Evropian.

Shoqata e gazetarëve të Maqedonisë

28.06.2017