Takimi i gazetarëve nga rajoni lindor me temën – sfidat gjatë raportimit për tema që lidhen me gjyqësorin
Gazetarët nga rajoni lindor i vendit më 8 prill, e shtunë, zhvilluan takim konsultativ me temë: “Sfidat me të cilat përballen gazetarët jashtë Shkupit” gjatë raportimit të temave nga fusha e drejtësisë” në të cilin ishte i pranishëm edhe kryetari i Gjykatës Themelore të Shtipit, gjyqtari Gjorgi Andonov, i cili është edhe anëtar i Këshilli Gjyqësor – Mediatik.
Gjatë takimit gazetarët theksuan nevojën për transparencë më të madhe nga ana e gjykatave, por edhe e prokurorisë. Edhe një herë u tha se puna e gazetarëve është dinamike, dhe se ata kanë nevojë për informacion në bazë ditore, sepse çdo vonesë nënkupton humbje të aktualitetit dhe rëndësisë së informacionit. Sidomos u vë në dukje problemi me gjykatën në Koçan, ku është e vështirë të merren informacione edhe pse në ueb faqen e gjykatës figuron një person – një zëdhënës përgjegjës për kontakt me publikun.
Është shumë e rëndësishme të merren deklarata nga gjyqtarët apo zëdhënësit e institucioneve sepse kjo do të shmangë interpretimin e lirë të gjykimeve dhe vendimeve gjyqësore. U sugjerua që të publikohen edhe buletine për periudha të caktuara kohore në të cilat do të ketë informacione për gjykimet dhe lëndët që janë me interes publik.
Gjyqtari Andonov në fjalën e tij për temat dhe propozimet kujtoi se në situata të tilla dhe të ngjashme duhet respektuar gjithmonë prezumimi i pafajësisë dhe se duhet shmangur titujt bombastikë në luftën për klikime. Ai para pjesëmarrësve prezantoi punën dhe aktivitetet e Këshillit Gjyqësor – Mediatik, duke theksuar se elështë e rëndësishme që gjyqësori dhe gjyqtarët të kenë bashkëpunim të mirë me gazetarët. Gjyqtari e vlerësoi si jashtëzakonisht të dobishëm Doracakun për raportim etik dhe profesional mbi temat nga gjyqësori, të publikuar nga SHGM, ndërsa njofton se edhe Këshilli Gjyqësor – Mediatik planifikon të përgatisë një lloj manuali për një listë termash nga gjyqësori, i cili do tu vijë në ndihmë gazetarëve.
Këshilli Gjyqësor – Mediatik është duke përgatitur edhe trajnime për bashkëpunimin e gjyqtarëve dhe gazetarëve, dhe u sugjerua që disa nga ato trajnime të organizohen në rajonin lindor. Konkluzionet e takimit ishin se duhet të përgatiten informacione nga gazetarët jashtë kryeqytetit për kushtet, vërejtjet dhe problemet me të cilat përballen gjatë raportimit për temat nga gjyqësori dhe bashkëpunimi me gjykatat, dhe ato informata të dorëzohen tek Këshilli Gjyqësor – Mediatik, në mënyrë që të dihet drejtimi për përmirësimin e situatës, të ketë rritje të bashkëpunimit të gjykatave me SHGM – në që do lehtësojë identifikimin e mediave relevante, akreditimin e gazetarëve që do raportojnë për punën e gjykatave, përfshirjen e gazetarëve nga rrethet në trajnimet që do bëhen nga Këshilli Gjyqësor – Mediatik, përgatitjen e një liste termesh nga gjyqësori të cilat do të jenë në dispozicion të gazetarëve.
Takimi u vlerësua si i dobishëm dhe një fillim i mbarë për një bashkëpunim më të mirë mes gazetarëve dhe gjyqësorit në drejtim të informimit profesional dhe etik për tema nga gjyqësori.
Ngjarja është pjesë e projektit rajonal “Forcimi i lirisë së medias në Maqedoninë e Veriut ”, e financuar nga Mbretëria e Holandës dhe zbatuar nga Komiteti holandez i Helsinkit dhe Free Press Unlimited, në partneritet me Shoqatën e Gazetarëve të Maqedonisë. Pikëpamjet dhe mendimet e shprehura në këtë publikim janë tërësisht të autorit(ve). Ato nuk përfaqësojnë domosdoshmërisht pikëpamjet dhe opinionet e Mbretërisë së Holandës, apo të organizatave që zbatojnë projektin ose partnerit të tyre lokal.
