Takim pune mes gazetarëve dhe përfaqësuesve të MPB-së në Strumicë
Shoqata e Gazetarëve të Maqedonisë (SHGM) organizoi takim pune me gazetarë, punëtorë mediatikë dhe përfaqësues të MPB-së në Strumicë në drejtim të përmirësimit të sigurisë së gazetarëve dhe punëtorëve mediatikë.
Kryetari i SHGM-së, Mlladen Çadikovski, foli për ndryshimet në Kodin Penal në pjesën që ka të bëjë me mbrojtjen e gazetarëve dhe punëtorëve mediatik, për trendin në rritje të sulmeve verbale online ndaj gazetareve femra. Si shembull pozitiv në luftën kundër sulmeve online, ai vuri në dukje vendimin e gjykatës të vitit 2021 në favor të Shoqatës për kërcënimet online ndaj të gjithë gazetarëve të shkruar në rrjetet sociale të SHGM. Çadikovski theksoi se vetëm përmes një sistemi funksional për mbrojtjen e gazetarëve pritet që të dekurajohen sulmuesit nga kërcënimet dhe sulmet në të ardhmen, duke siguruar kështu një mjedis të sigurt si parakusht themelor për punën e tyre.
Gazetari Vane Trajkovski vuri në dukje disa raste kur është sulmuar verbalisht për publikimin e informatave në faqen zyrtare të medias së tij në Facebook, por nuk e ka raportuar rastin nga frika se do të shkaktojë reagim shtesë.
Në takim ka marrë pjesë edhe zëdhënësja e SPB-së Strumicë, Aleksandra Trajanova, e cila ka theksuar bashkëpunimin me prokurorinë dhe MPB-në, si dhe bashkëpunimin e shkëlqyer në procesin e informimit të mediave nga Strumica. Ajo inkurajoi kolegët gazetarë të pranishëm që të raportojnë çdo rast të sulmit ndaj një gazetari në mënyrë që institucionet kompetente të reagojnë sa më shpejt dhe që rasti të procedohet më shpejt.
Qëllimi i mbajtjes së këtij takimi të punës ishte që gazetarëve dhe punonjësve të medias t’u ofrohet një mundësi e drejtpërdrejt për të shkëmbyer ide dhe informacione në drejtim të përmirësimit të bashkëpunimit mes gazetarëve dhe policisë dhe prokurorëve.
