Takim pune me koordinatorët e qendrave rajonale të SHGM-së

Më 29 prill, në Veles, Shoqata e Gazetarëve të Maqedonisë (SHGM) mbajti një takim pune me koordinatorët e qendrave rajonale nga Manastiri, Ohri, Kumanova, Tetova, Strumica dhe Shtipi.

Në takim u diskutua për nevojën e ndryshimeve statutore të Shoqatës, të cilat do të nxisnin përfshirje më të madhe të qendrave rajonale në organet drejtuese të SHGM-së dhe në aktivitetet që do të realizohen në periudhën që vjen. Temë e bisedimeve ishin edhe sfidat dhe problemet me të cilat ballafaqohen gazetarët dhe punonjësit mediatik nga qendrat rajonale gjatë kryerjes së punës së tyre, si dhe aktivitetet aktuale të SHGM-së në drejtim të mbrojtjes së të drejtave të gazetarëve dhe përmirësimin e gjendjeve në mediat.

Përfaqësuesit e qendrave rajonale shprehën mbështetjen e tyre për përpjekjet e SHGM-së për krijimin e një fondi mediatik, që do të mbështeste projekte me interes publik, dhe do të siguronte financim për prodhimin e produkteve gazetareske me përmbajtje dokumentare, edukative dhe argëtuese, si dhe mbështetje për gazetarinë hulumtuese dhe analitike. Në këtë mënyrë, do të ndihmohej gazetaria në mënyrë të drejtpërdrejt, si dhe krijimi i përmbajtjeve cilësore mediatike, ndërsa në mënyrë indirekte do të kontribuonte në përmirësimin e gjendjes ekonomike të gazetarëve dhe punonjësve mediatik.

Kryetari Mlladen Çadikovski shprehu kënaqësinë për bashkëpunimin me qendrat rajonale të Shoqatës së gazetarëve të Maqedonisë gjatë periudhës së kaluar.

Takimi u mbajt në kuadër të aktiviteteve të projektit të mbështetur nga Federata Evropiane e Gazetarëve (FEG).

Bashkëpunimi dhe takimet konstruktive të punës do të vazhdojnë edhe në të ardhmen.