Takim pune i SHGM me kameramanët me temë: “Siguria përmes prizmit të kornizës ekzistuese ligjore

Shoqata e Gazetarëve të Maqedonisë (SHGM) zhvilloi takim me kameramanët pranë Seksionit të Kameramanëve të SHGM-së me përfshirjen e mbi 30 pjesëmarrësve, me temë “Liria e mediave dhe siguria e punonjësve mediatik në RMV përmes prizmit të kornizës ekzistuese ligjore – si të arrihen zgjidhjet më të mira”.

Kryetari i SHGM-së, Mladen Çadikovski, iu drejtua të pranishmëve, ku shprehu kënaqësinë e tij, duke theksuar se “Me iniciativa dhe projekte të tilla ne përpiqemi të përmirësojmë dialogun institucional midis gazetarëve, kameramanëve, organizatave të shoqërisë civile dhe parlamenteve nacionale në mënyrë që të rritet ndërgjegjësimi për ndryshimet që do të pasqyrohen pozitivisht në procesin e euro-integrimeve të vendeve kandidate. Konsultimet dhe bisedat e tilla të ndërsjella do të kontribuojnë në krijimin e një mjedisi të përshtatshëm për pjesëmarrje të konsiderueshme të punonjësve mediatik si aktorë me ndikim në shoqëri”.

Përfaqësuesi i Seksionit të Kameramanëve pranë SHGM-së, Trajçe Ilievski, fjalimin e tij të shkurtër para kolegëve shprehu kënaqësinë e tij për zhvillimin e takimeve të tilla të punës, ku ata mund të ndajnë dhe të dëgjojnë në një vend sfidat dhe sugjerimet e tyre për përmirësimin e bashkëpunimit dhe kushteve të punës si të kameramanëve po ashtu edhe  korrespondentët .

Në takim u prezantuan konstatimet kryesore të analizës së kryer me titull “Liria e mediave dhe siguria e gazetarëve në RMV përmes prizmit të zgjidhjeve ekzistuese ligjore – si të arrihen zgjidhjet më të mira?”, e cila mund të shkarkohet falas në linkun në vijim. Në këtë ngjarje pasuan diskutime, ku të pranishmit patën mundësinë të shprehnin mendimet dhe sugjerimet e tyre se si të gjenden zgjidhje më të mira ligjore për të avancuar sigurinë e gazetarëve dhe përmirësimin e zgjidhjeve ligjore që rregullojnë çështjet në sferën mediatike. Ngjarja u organizua më dt. 4 qershor 2021, (ditën e premte),  në kuadër të projektit rajonal “Avancimi i dialogut midis shoqatave të gazetarëve dhe parlamenteve nga Ballkani Perëndimor për sektor më të fortë të shoqërisë civile” (Improving the dialogue between journalists’ associations and parliaments in Western Balkans for stronger civil society sector), i financuar nga Sida përmes projektit “Mbrojtja e hapësirës civile – Qendra Rajonale për Zhvillimin e Shoqërisë Civile” i realizuar nga Rrjeti Ballkanik për Zhvillimin e Shoqërisë Civile (BCSDN).