Tridhjetë redaktorë dhe gazetarë me përvojë  si dhe përfaqësues të organizatave civile të sektorit mediatik debatuan për çështje që ndërlidhen me politikat lokale mediatike. Në këtë takim u prezantua edhe analiza e re e SHGM-së, në të cilën janë sublimuar zgjidhjet ligjore që janë të rëndësishme për punën e gazetarëve dhe mediave e titulluar si “Liria e mediave dhe siguria e gazetarëve në RMV përmes prizmit të kornizës aktuale ligjore – Si të arrihen zgjidhje më të mira?”. 

Po ashtu, në këtë takim u diskutuan trendet dhe ngjarjet aktuale në sferën mediatike dhe u diskutuan të dhënat kryesore nga studimi i kryer dhe më pas vijoi diskutimi për tema që ndërlidhen me avancimin e sigurisë së gazetarëve dhe punonjësve mediatik dhe përmirësimi i zgjidhjeve ligjore me të cilat rregullohen çështjet të sferës mediatike.

Në fillim të kësaj ngjarjeje, Sasho Ordanivski, koordinator i këtij Forumi që e udhëhoqi mbledhjen i përshëndeti gazetarët dhe punonjësit mediatik të pranishëm: “Të dashur kolegë, gëzohem që jemi mbledhur këtu me prani fizike për të diskutuar për trendet aktuale në sferën mediatike si dhe për ngjarjet në media gjatë vitit të fundit. Ky vit ishte i vështirë sidomos për punonjësit mediatik të cilët punuan në kushte krize, duke pasur parasysh pandeminë, dhe është mirë të shohëm se çfarë kemi mësuar nga kjo”.

Në këtë mbledhje foli edhe kryetari i Shoqatës së Gazetarëve të Maqedonisë Mladen Çadikovski: “Aktualisht është mirë të thuhet se në periudhën e ardhshme do të pasojnë ndryshime të disa zgjidhjeve ligjore që mund të kontribuojnë shumë në ngritjen e profesionalizmit në sferën mediatike në vend, siç është Kodi Penal dhe pritjet që me këto ndryshime të përmirësohet siguria e punonjësve mediatik. Përveç kësaj, SHGM-ja ka punuar në mënyrë intenzive edhe për ndryshimet në Ligjin për përgjegjësi civile nga shpifja dhe fyerje me çka kërkojmë mbrojtje më të madhe të gazetarëve në këtë ligj, sidomos në lartësinë e kompensimit të dëmit jomaterial. Lidhur me ligjet që pas disa viteve bëhen të pa zbatueshëm, dua të  theksoj që në periudhën vijuese pason zgjedhja e anëtarëve në AShAA dhe RTM ku me rëndësi të jashtëzakonshme është të hyjnë profesionistë në këto organe, sepse sipas nesh kjo është forma e vetme e profesionalizimit të servisit publik dhe rregullatorit mediatik”, potencoi Çadikovski.

Në këtë ngjarje, ku përveç redaktorëve dhe gazetarëve të shquar, përfaqësues të seksioneve të SHGM-së si dhe të organizatave mediatike partnere, kishte diskutim konstruktiv dhe u konkludua se ky format i shkëmbimit të qëndrimeve është i mirë dhe se duhet të vazhdohet në të ardhmen.

Forumi gazetaresk është trup këshilldhënës në kuadër të SHGM-së ku marrin pjesë gazetarë të shquar me përvojë dhe përfaqësues të organizatave mediatike. Kjo platformë ka për qëllim të kontribuojë në krijimin e politikave inkluzive  të Shoqatës. Kjo ngjarje u organizua në kuadër të projektit rajonal “Avancimi i dialogut ndërmjet shoqatave gazetareske dhe parlamenteve nga Ballkani Perëndumor për sektor më të fuqishëm civil” (Improving the dialogue between journalists’ associations and parliaments in Western Balkans for stronger civil society sector), i financuar nga SIDA përmes prohektit “Mbrojtja e hapësirës civile – Qendra Rajonale për Zhvillimin e Shoqërisë Civile” në realizim të Rrjetit Ballkanik të Shoqërisë Civile (BCSDN).