Takeva dhe Lefkov gazetarët më të mirë nga rajoni i Shtipit për vitin 2016

Daniela Takeva, korrespodente e televizionit rajonal “Star” nga Shtipi dhe Goran Lefkov, gazetar nga Qendra për gazetari hulumtuese “SCOOP” – Shkup, janë fituesit e mirënjohjes “Më të mirët e lindjes” në sferën e informimit për vitin 2016.

Vendimi që Takeva dhe Lefkov të jenë fituesit e kësaj mirënjohjeje prestigjioze, të cilën Qendra rajonale e SHGM-së në Shtip e ndan çdo vit për njerëzit më të suksesshëm të rajonit, është sjellë njëzëri në mbledhjen e mbajtur më 17 dhjetor në Vinicë.

Anëtarët e SHGM-së nga Qendra rajonale në Shtip vlerësuan se Daniela Takeva, si gazetare e cila raporton nga zona Pijanec-Maleshevë, me kronikat e saj inspirative dhe informative si dhe qasjen serioze dhe analitike, opinionit i për çdo ditë i ofron informacione me rëndësi për bashkësinë rajonale. Takeva, për shkak të punës së saj si gazetar, shpesh here ka qenë në shënjestrën e pushteteve lokale, por ajo asnjëherë nuk e ka tradhtuar profesionin, për çka qytetarët kanë besim në punën e saj.

Për gazetarin hulumtues Goran Lefkov, nga viti 2016 kolegët sidomos veçuan storjet e tij hulumtuese për VMRO DPMNE-në si parti më e pasur në Evropë, për lidhjet e Samsonenkos me pushtetin aktual dhe filmin dokumentar për FFM-në. Ata vlerësuan se storjet e Lefkovit janë analitike dhe të bindshme, që është karakteristikë e secilit gazetar të përgjegjshëm.

Përveç për mirënjohjet për gazetar më të mire të vitit, anëtarët e SHGM-së debatuan edhe për pozitën e gazetarit, e cila sipas hulumtimeve të tyre, vazhdimisht po përkeqësohet.

Shkup, 21.12.2016

SHGM