SPGM dhe ShGM: Heqja e redaksisë sportive është një tjetër presion ndaj gazetarëve në Tv Alfa

Sindikata e Pavarur e Gazetarëve dhe Punonjësve Mediatik (SPGPM), Shoqata e Gazetarëve të Maqedonisë (SHGM) dhe Seksioni i Gazetarëve Sportiv pranë ShGM-së e dënojnë ashpër vendimin e menaxhmentit të TV ALFA për shfuqizimin e redaksisë sportive në këtë televizion kombëtar.

Heqja e pajustifikuar e programit sportiv është një presion shtesë për gazetarët dhe punonjësit mediatik në këtë medium dhe një tjetër kërcënim për punësimin e tyre në televizionin.

Vlerësojmë se heqja e programit sportiv është një vendim impulsiv që nuk kontribuon në përmirësimin e marrëdhënieve brenda këtij televizioni dhe për këtë arsye kërkojmë që ai të rishikohet dhe të tërhiqet.

Nisur nga zhvillimet e fundit lidhur me pakënaqësitë për paga të papaguara që u artikuluan përmes sindikatës së TV Alfa dhe përfaqësuesit të sindikatës që bën pjesë në këtë redaksi, kemi arsye të forta të besojmë se ky vendim i menaxhmentit është hakmarrje ndaj kolegut tonë i cili është i zëshëm për çështjet e të drejtave të punëtorëve në këtë medium.

Sipas kolegëve tanë nga TV Alfa, programi sportiv ka shikueshmëri dhe popullaritet të madh krahasuar me disa përmbajtje të tjera programore në televizion, gjë që tregon se ky vendim nuk ka asnjë logjikë ekonomike, por synon të frikësojë gazetarët dhe punonjësit e medias, dhe në dëm të publikut. Në këtë mënyrë, në vend që të zgjidhë pakënaqësitë e pranishme te punonjësit, para së gjithash për shkak të shkeljes së të drejtave të tyre, menaxhmenti vendos që t’i lajë hesapet me disa nga gazetarët duke keqpërdorur pozitën e vet.