SHGM: Të sqarohen arsyet për dorëheqjen e Geroskit

Shoqata e Gazetarëve të Maqedonisë shpreh shqetësimin rreth dorëheqjes së kolegut Branko Geroski nga pozita e kryeredaktorit në gazetën “Slloboden Peçat”.

Në letrën e tij të hapur ai tha: “… për një periudhë të gjatë, unë, pronarët dhe menaxherët e “Slloboden Peçat” kemi pasur qëndrime të ndryshme rreth politikës editoriale, për nevojën se si një gazetë e lirë duhet të kritikojë autoritetet në drejtim të rritjes së përpjekjeve për një qeverisje të mirë dhe të përgjegjshme”.

Përkujtojmë se Kushtetuta e Republikës së Maqedonisë së Veriut garanton lirinë e shprehjes, ndërsa censura është e ndaluar. Gjithashtu, Ligji për media në nenin 8 i jep të drejtë kryeredaktorit të udhëheq realizimin e përmbajtjeve që publikohen në një medium. Nga ana tjetër, pronarët dhe menaxherët e medias nuk duhet të ndërhyjnë në punën e kryeredaktorëve dhe gazetarëve përderisa ato respektojnë Kodin Etik të gazetarëve.

Kërkojmë nga pronari dhe menaxheri i “Slloboden Peçat” të shpjegojë arsyet për mosmarrëveshjet dhe të përgjigjet se a ka ardhur dorëheqja e Geroskit si rezultat i trysnisë ndaj tij për shkak të politikës editoriale.

Në qoftë se pronarët e “Slloboden Peçat” nuk e shpjegojnë këtë rast, do të krijohet përshtypje në opinionin se redaktorët dhe gazetarët në “Slloboden Peçat” janë të censuruar, dhe kështu ekziston rreziku për vetë-censurim në mesin e punonjësve të tjerë në atë medium.