SHGM, SPGPM, IMM dhe KEMM: Ministria e ekonomisë t’i shfuqizojë tenderët për fushata mediatike
Shoqata e Gazetarëve të Maqedonisë (SHGM), Sindikata e Pavarur e Gazetarëve dhe Punonjësve Mediatik (SPGPM), Instituti Maqedonas për Media (IMM) dhe Këshilli për Etikë në Mediat (KEMM) reagojnë tek Ministria e Ekonomisë për të shfuqizuar tenderët për fushata mediatike.
Ministria e Ekonomisë ka publikuar shpallje për furnizime publike ku kërkohet firmë për përpunimin e strategjisë mediale dhe komunikative dhe për ndërmjetësimin në blerjen e hapësirës mediale. Sipas përshkrimit të furnizimit publik, qëllimi është të arrihet marrëveshje me firmë private që për shumën për rreth 200.000 euro, do t’i përpunojë këto strategji dhe do t’u paguajë mediave online para për fushatë promovimi. Organizatat partnere SHGM, SPGPM, KEMM dhe IMM rikujtojnë se praktika e blerjes së hapësirës mediale është e ndaluar dhe në kundërshtim me Konkluzionin e Qeverisë nga seanca e 24 nga 22.08.2017, kurse konform masës 6.1.2 nga Plani 3-6-9, që ka të bëjë me ndalimin e reklamave qeveritare. Ky përfundim detyron organet shtetërore të ndalojnë transmetimin/reklamimin e fushatave promovuese/videot në hapësirën e paguar në transmetuesit elektronikë komercialë – televizionet dhe radiot, gazetat ditore dhe javore, bilborde, portale në internet, etj. (me përjashtim të mediave sociale).
