SHGM, SPGPM dhe KEMM dënojnë kërcënimet ndaj koleges Tanja Milevska
Shoqata e Gazetarëve (SHGM), Sindikata e Pavarur e Gazetarëve dhe Punonjësve Mediatik (SPGPM) dhe Këshilli për Etikë në Mediat në Maqedoni (KEMM) dënojnë ashpër ndaj gjuhës së urrejtjes dhe kërcënimeve të drejtpërdrejta përmes rrjetit social Twitter, ndaj koleges Tanja Milevska, korrespodent për agjencinë shtetërore MIA nga Brukseli.
Si organizata gazetareske, theksojmë se gjuha e urrejtjes dhe kërcënimet e tilla janë të përfshira në Kodin Penal, ndërsa me këtë është detyrë e institucioneve, kryesisht e Ministrisë së Punëve të Brendshme dhe Prokurorisë Publike, që menjëherë të hetojnë dhe procedojnë ato.
Ju kujtojmë se siguria e gazetarëve dhe e drejta e fjalës së lirë shkojnë paralelisht, së bashku me tiparet demokratike të një vendi. Një diskurs i tillë publik, në të cilin gazetarët sulmohen, me kërcënime të hapura për jetën, është i papranueshëm dhe i paimagjinueshëm për një shoqëri demokratike.
Fakti që Maqedonia është në fushatën parazgjedhore vetëm më tej thekson që thirrja t’i adresohet partive politike si gjeneratorë të drejtpërdrejtë të këtij trendi të rrezikshëm përmes tolerancës së këtij narracioni nga mbështetësit e tyre dhe profileve të rreme në rrjetet sociale.
Kërkojmë nga institucionet një reagim të menjëhershëm dhe monitorim vigjilent të të gjitha fenomeneve të tilla, ndërsa nga partitë politike kërkojmë dënim publik për sulmet dhe mbështetje për përpjekjet e gazetarëve për lirinë e fjalës dhe mbrojtjen e punonjësve mediatik.
