SHGM sot zhvilloi takim me përfaqësuesit e Misionit të OSBE-së në Shkup
Sot, Shoqata e Gazetarëve të Maqedonisë zhvilloi takim me përfaqësuesit e Misionit të OSBE-së në Shkup. Në takimin nga ana e SHGM-së u ndanë detajet rreth trendëve të reja të fyerjeve ndaj gazetarisë dhe gazetarëve, nga ana e online portaleve të caktuar duke përdorur gënjeshtra dhe përmbajtje shpifëse dhe nënçmuese. Objektivi i saktë i diskreditimeve të tilla të pabaza ishin gazetaret që punojnë në gazetën javore FOKUS.
Nga ana e SHGM-së u theksua se ofendimet dhe diskreditimet e tilla ndaj gazetareve të gazetës javore FOKUS paraqesin sulm ndaj lirisë së informimit dhe lirisë së mediave dhe do të paraqiten në të gjitha organizatat vendore dhe ndërkombëtare që punojnë në fushën e mbrojtjes së lirisë së shprehjes.
Sipas informatave nga koleget që punojnë në FOKUS, këto kërcënime dhe shpifje personale janë intensifikuar në periudhën e fundit pas serisë së teksteve të kolegeve për figurat nga skena e biznesit dhe politikës në Republikën e Maqedonisë së Veriut.
Krahas dënimit të kësaj mënyre të komunikimit publik, duam t’i kujtojmë publikut se nëse duam të kemi një demokraci funksionale, duhet të arrihet një nivel i lartë i lirisë së fjalës dhe shprehjes dhe një gjë e tillë nuk mund të arrihet nëse gazetarët dhe punonjësit mediatik punojnë nën presion të vazhdueshëm dhe shantazhe, sepse në këtë mënyrë vetëm do të kontribuohet në krijimin e një atmosfere frike dhe vetë-censurim.
