SHGM: Seksioni i fotoreporterëve kërkoi që fotot e Qeverisë të jenë me logo identifikuese
Seksioni i fotoreporterëve në SHGM, së bashku me përfaqësuesit nga Zyra Ekzekutive, kishin një takim me përfaqësues nga departamenti për komunikime të Qeverisë, për të diskutuar lidhur me problemet me të cilat ballafaqohen fotoreporterët kur mbulojnë një ngjarje me interes publik.
Gjatë ngjarjeve të organizuara nga Qeveria apo ngjarje të tjera publike të organizuara nga institucionet, ka shembuj ku të punësuarit qeveritar favorizohen për të filmuar ngjarjet, në kurriz të përfaqësuesve të mediave private.
Kjo praktikë është diskriminuese dhe paraqet konkurrencë jo lojale të punonjësve mediatik, dhe si pasojë qytetarët jo gjithmonë mund të kenë një pasqyrim real të ngjarjeve, sepse ekziston vetëm njëra palë që mund të jetë e njëanshme.
Fotoreporterët e pranishëm Boris Grdanoski, Gjorgi Liçovski, Petar Stojanovski, ndanë disa nga problemet me të cilat po ballafaqohen gjatë ngjarjeve të organizuara nga institucionet publike, si: pengimi i herëpashershëm nga punonjësit qeveritar gjatë raportimit / fotografimit, përparësi për pozicione të “fotoreporterëve të qeverisë”, mundësia e mediave për shkarkim të lirë të materialit fotografik pa logo identifikuese nga Qeveria dhe institucionet e tjera.
Ana Andreeva, sekretare për komunikim, marrëdhënie me publikun dhe protokoll të kryeministrit shpjegoi se protokolli aktual i komunikimit është përpiluar në bashkëpunim me Ambasadën Britanike por paralajmëroi ndryshime të protokollit në të ardhmen e afërt.
Drejtori i SHGM-së, Dragan Sekulovski, në fjalën e tij lidhur me problemet e deklaruara, kërkoi ndryshime të rregullave për prani të punonjësve mediatik sipas nevojave të tyre, në mënyrë që të mund të raportojnë pa probleme për ngjarje me interes publik.
Përcaktimi i një personi për kontakt që do të jetë përgjegjës për çdo ngjarje publike, në mënyrë që punonjësit e medias të mund të japin ide dhe sugjerime, të komunikojnë, është shumë e rëndësishme.
Gjëja e dytë e rëndësishme është vendosja e logos identifikuese në fotot dhe videot e Qeverisë për të mbrojtur të drejtat e autorit të fotoreporterëve por edhe që qytetarët të jenë të vetëdijshëm kur bëhet fjalë për material të krijuar nga nëpunësit qeveritar apo për foto ose video të bërë nga një fotoreporter ose kameraman që punon në media apo agjenci private.
Në këtë mënyrë, qytetarët do të mbrohen nga informacioni i njëanshëm ndërsa mediat do të kishin përmbajtjen e tyre autorët e të cilëve do të jenë punonjësit e medias e jo nëpunësit publik.
