SHGM: Qëndrim joprofesional dhe poshtërues i Avokaturës së Shtetit ndaj gazetarëve të TV ALFA

Shoqata e Gazetarëve të Maqedonisë (SHGM) reagon ndaj qëndrimit joprofesional dhe poshtërues ndaj gazetarëve të TV ALFA nga Avokatura e Shtetit. 

Konkretisht bëhet fjalë për përgjigjen ndaj pyetjeve të gazetarit të dërguara në mënyrë elektronike lidhur me ligjet e diskutueshme për energjetikë që janë në procedurë parlamentare, ku komunikimi gjatë përgjigjeve të Avokaturës së Shtetit ngre dyshime nëse ato janë dërguar nga gazetarë apo jo. 

Theksojmë se zyrtarët publikë duhet të përpiqen t’u japin përgjigje të gjitha pyetjeve gazetareske, e jo t’i injorojnë dhe poshtërojnë gazetarët dhe punonjësit e medias. 

Gazetarët janë zëri i publikut dhe detyra e tyre kryesore është të hetojnë dhe të bëjnë pyetje që janë me interes publik, ndërsa zyrtarët janë ata që duhet t’u përgjigjen atyre pyetjeve dhe të sigurojnë kushte të sigurta për kryerjen e punës së tyre. 

Kujtojmë se zyrtarët shtetërorë financohen me fonde publike dhe janë të obliguar që për punën e tyre të jenë të përgjegjshëm dhe transparentë ndaj gazetarëve dhe punonjësve të medias, pra edhe ndaj qytetarëve.