SHGM për raportin e KE para Këshillit Nacional për Eurointegrime
Kryetari i Shoqatës së Gazetarëve të Maqedonisë, Naser Selmani, sot foli para Këshillit Nacional për Eurointegrime, ku u shqyrtua Raporti i Komisionit Evropian.
Selmani tha se të gjithë pajtohen se ka përparim në krahasim me vitin e kaluar, por theksoi se jemi larg nga reformat serioze në mediat. Ai theksoi se vërejtja kryesore është politika e mosndëshkimit të sulmeve mbi gazetarëve. “Porosinë kryesore, që na dërgon KE nëpërmjet të raportit është mostolerimi i sulmeve fizike dhe verbale mbi gazetarëve. Në shtete të lira demokratike nuk ka vend për rrahje dhe kërcënime ndaj gazetarëve, ndërsa në rast se vjen deri në atë situatë, institucionet duhet të kenë kapacitet të bëjnë hetime efikase për zbulimin dhe dënimin e dhunuesve”, tha Selmani.
Sipas tij, KE e njohu nevojën për reformë të thellë në Radiotelevizionin e Maqedonisë, posaçërisht në pjesën e pavarësisë institucionale dhe redaktuese.
“Nuk mund të përforcohen kapacitetet e RTM-së me më pak para. Nëse miratohen ndryshimet për LSHMAA, servili publik do të ketë pesë milion euro më pak në krahasim me vitin 2016. Dilema jonë është si mundet me më pak para servili publik të hap edhe dy kanale televizive dhe një kanal në radio me programe 24 orësh”, tha Selmani. Ai edhe një herë përsëriti se nëse këtë vit RTM-së nuk i jepet buxhet sikur në vitin 2016, misioni do të jetë i pamundur.
Selmani i bëri thirrje qeverisë të gjejë mekanizëm për dënimin e fjalës së urrejtjes, e cila është përmendur në raportin. “Ne si SHGM jo vetëm që kemi paralajmëruar për pasojat negative nga kjo dukuri, por edhe kemi dërguar iniciativa para Prokurorisë Publike që t’i dënojnë personat që janë shërbyer me fjalë të urrejtjes”, theksoi Selmani.
Ai e lavdëroi transparencën e Qeverisë, mirëpo theksoi se këtë praktikë nuk e ndjekin të gjitha institucionet në mënyrë të barabartë. “Qeveria duhet të gjejë forcë të ndryshojë këtë praktikë jodemokratike të disa funksionarëve të saj sepse bojkotimi i gazetarëve do të thotë se ato refuzojnë të jenë të hapur para qytetarëve”, tha Selmani.
Në fund Selmani e përshëndeti pjesëmarrjen e opozitës në procesin e reformave në media dhe apeloi të gjithë të përfshihen në mënyrë konstruktive në diskusionin për amendamente për LSHMAA.
