SHGM: Pasiguria ligjore i vë gazetarët lokalë në rrezik 

Shoqata e Gazetarëve të Maqedonisë (SHGM) po ndjek me kujdes procesin gjyqësor në të cilin kolegia, gazetarja Aneta Blazhevska nga Manastiri, është paditur për shpifje nga drejtoresha dhe juristja e pensionuar e Konviktit Shtetëror të Nxënësve “Mirka Ginova” në Manastir. 

 Shprehim shqetësim për vendimin e shkallës së parë, ku shqetësuese është që nga ana e Gjykatës Themelore të Manastirit nuk janë marrë mjaftueshëm parasysh veprimet e ndërmarra nga SPB Manastir dhe PTHP Manastir ndaj paditëses lidhur me pohimet në tekstin gazetaresk. Ky proces ngre pyetje serioze për qasjen dhe standardet që zbatohen në proceset gjyqësore të lidhura me gazetarët.  

Theksojmë se këto procese ligjore dhe qëndrimi ndaj mediave dhe gazetarëve lokalë do të minojnë më tej lirinë tashmë të brishtë të gazetarëve dhe mediave në komunitetin lokal në vend. Është e nevojshme të sigurohet një mjedis ku gazetarët të mund të ushtrojnë profesionin e tyre lirisht, pa frikën e pasojave ligjore, veçanërisht kur raportojnë për çështje të interesit publik. 

 Qëndrojmë të përkushtuar dhe japim mbështetje të plotë për kolegen Blazhevska, si dhe për të gjithë gazetarët që përballen me presione të ngjashme ligjore, dhe do të vazhdojmë të angazhohemi për drejtësi, liri të medias dhe mbrojtje të punonjësve mediatikë.