SHGM: Parashtresë në KSHZ për pengim të punës së gazetares Meri Jordanovska
Shoqata e Gazetarëve të Maqedonisë (SHGM) do të dorëzojë parashtresë për pengimin e punës së gazetares Meri Jordanovska nga agjencia e lajmeve Meta.mk në Komisionin Shtetëror Zgjedhor (KSHZ). Parashtresa ka të bëjë me qasjen joprofesionale të përfaqësuesit të këshillit zgjedhor në vendvotimin nr. 2762 në komunën Kisella Vodë në Shkup, ku kolegia Jordanovska ishte penguar të kryejë punën e saj profesionale gazetareske.
Sipas raportimit të koleges Jordanovska për SHGM-në, përkundër faktit se ajo është prezantuar siç duhet dhe ka treguar identifikimin e saj gazetaresk, anëtari i këshillit zgjedhor në vendvotimin në sallën e kinemasë në komunën Kisella Voda në Shkup nuk e ka lejuar atë të inçizojë në klasën ku po zhvillohej votimi.
Theksojmë se incidente të tilla dhe të ngjashme ku gazetarët dhe punonjësit e medias pengohen të kryejnë punën e tyre në mënyrë profesionale gjatë procesit zgjedhor, nuk duhet të bëhen praktikë
SHGM do ta përcjellë me kujdes procedurën për këtë rast deri te institucioni kompetent dhe do të kërkojmë përgjegjësi nga Komisioni Shtetëror i Zgjedhjeve (KSHZ) për sanksionimin e anëtarëve të këshillit zgjedhor që pengojnë punën e gazetarëve.
