SHGM mirëpret lirimin e Bozinovskit

Shoqata e Gazetarëve të Maqedonisë mirëpret vendimin e gjykatësit Vladimir Tufekxhiq për lëndën “Spiun”, i cili liroi gazetarin Zoran Bozhinovski nga të gjitha akuzat.

Gjatë tërë procesit gjyqësor, SHGM kërkonte nga Prokuroria Themelore Publike dhe më vonë SPO që të heqin aktakuzën kundër Bozhinovskit për të cilën kishte indikacione serioze se ishte e motivuar politikisht. Në ditën e seancës së parë kundër Bozhinovskit (në vitin 2016), shoqatat gazetareske në krye me SHGM-në organizuan një protestë përpara Gjykatës së Shkupit sepse kishte dyshime se akuzat ndaj gazetarit për bashkim kriminel, spiunazh dhe shantazh ishin në të vërtetë një hakmarrje nga qendrat e atëhershme të pushtetit për ekspozime të krimit dhe korrupsionit.

SHGM në bashkëpunim me organizatat ndërkombëtare të mediave siguruan ndihmë juridike falas për këtë rast.

Rasti i Bozhinovskit duke zvarriste vendin poshtë indekseve botërore që masin lirinë e mediave dhe lirinë e të shprehurit dhe për këtë arsye Shoqata e gazetarëve mirëpret këtë vendim i cili i jep fund persekutimit të Bozhinovskit.

Megjithatë, edhe pse është liruar Bozhinovski, atij ende nuk i është hequr ndalimi për lëshimin e pasaportës dhe ai edhe më tutje nuk mund të lëvizë lirshëm. Kërkojmë nga autoritetet gjyqësore që të shfuqizojnë këtë masë sa më shpejt sepse Bozinovski tashmë është shpallur i pafajshëm dhe nuk ka nevojë për kufizime të tilla.