SHGM me përfaqësuesin e saj në konferencën në Suedi të titulluar “Mbrojtja e së vërtetës – zbulimi i njohurive nga gazetaria investigative”

Këto ditë në Suedi mbahet manifestimi “Mbrojtja e së vërtetës: Zbulimi i njohurive nga gazetaria hulumtuese”,(„

Defending Truth: Unveiling Insights from Investigative Journalism“ )  i cili organizohet nga Fondi Global i Mbrojtjes së Medias, ndërsa përfaqësuesen e saj e ka edhe Shoqata e Gazetarëve të Maqedonisë, që është Maja Jovanovska, nënkryetare e SHGM-së, dhe gazetare në Laboratorin e Gazetarëve Investigativ (IRL).

Qëllimi i ngjarjes është që pjesëmarrësit dhe partnerët e FGMM të ndajnë përvojat e tyre, sfidat dhe praktikat më të mira në fushën e gazetarisë investigative, veçanërisht lidhur me hetimin e krimeve kundër gazetarëve. Gjatë sesioneve do të ketë një mundësi për të dhënë rekomandime se si FGMM mund të forcojë mbështetjen e saj për gazetarinë investigative në të ardhmen.

Sipas raportit të UNESCO-s për sigurinë e gazetarëve për vitin 2022, vihet parasysh se shkalla globale e mosndëshkimit për vrasjen e gazetarëve mbetet e lartë, në 86%, gjë që ka një efekt rrëqethës në lirinë e shtypit, gazetarinë e pavarur dhe raportimin investigativ. 

Vrasjet e gazetarëve janë forma më brutale e heshtjes, por nuk mungojnë as sulmet fizike që variojnë nga sulmet fizike deri te keqtrajtimi online, (gjinor) dezinformatat dhe mbikqyrja nga aktorët shtetërorë dhe joshtetërorë, dhe shpesh ka mungesë të drejtësisë dhe shkallë të lartë të mosndëshkimit, që çon në më shumë dhunë dhe paaftësinë e gazetarëve për të kryer punën e tyre të sigurt.