SHGM me parashtresë deri te MPB për sjellje joprofesionale ndaj gazetarit të Portalb.mk
Shoqata e Gazetarëve të Maqedonisë- SHGM do të dërgojë parashtresë në Ministrinë e Punëve të Brendshme për pengimin e një gazetari gjatë kryerjes së detyrës profesionale nga ana e zyrtarit policor.
Gjegjësisht, gazetari Suad Bajrami nga Portalb.mk gjatë natës së mbrëmshme në protestën e punëtorëve të NP Higjiena Komunale Shkup nuk kishte mundësi të kryej detyrën e tij të punës, gjegjësisht të regjistrojë në momentin kur ka intervenuar njësia speciale.
Sipas deklaratës së drejtuar në SHGM nga ana e kolegut Bajrami, ai mbrëmë ka qenë i pranishëm në hapësirën publike në rrethin e NP Higjiena Komunale për të raportuar në lidhje me një temë aktuale por nuk kishte mundësi ta bëjë këtë, pasi përfaqësuesit e policisë janë sjellë në mënyrë joprofesionale ndaj tij, gjegjësisht është penguar ta kryej punën e tij.
“Zyrtarët policor më tërhoqën mënjanë me arsyetimin se aty kishte një perimetër sigurie edhe pse disa herë theksova se në vendin ku më urdhëruan të shkoj nuk mund të kem kuadër të mire për incizim”, ka theksuar Bajrami.
SHGM konsideron se me këtë veprim zyrtarët policorë nuk janë sjellë në mënyrë profesionale dhe kanë shkelur të drejtën e gazetarit për të raportuar nga hapësira publike për tema që janë në interes të qytetarëve.
SHGM si organizatë esnafe e cila mbron të drejtat dhe interesat e gazetarëve dhe punonjësve të mediave në vend, i jep mbështetje të plotë kolegut Bajrami dhe në konsultim me ekipin e avokatëve do të dërgojnë parashtresë deri te Departamenti për Kontroll të Brendshëm dhe Standarde Profesionale në MPB.
