SHGM kërkon zbardhjen e menjëhershme të ngjarjes në Fakultetin e Mjekësisë

Incidenti i sotëm ku punonjësit e medias u penguan sërish të ndjekin një ngjarje, është edhe një tjetër dëshmi se më në fund ka ardhur koha që dikush të marrë përgjegjësi për pengimin e punës së gazetarëve.

Ngjarja ndodhi në objektin e Fakultetit të Mjekësisë në Shkup, gjatë debatit publik për ligjin për legalizimin e kanabisit. Siç raportojnë ekipet gazetareske të „Utrinski brifing” dhe „Slloboden Peçat”, organizatori ka refuzuar të fillojë debatin derisa ekipet mediatike të këtyre mediave nuk largohen nga salla.

SHGM nga institucionet kompetente kërkon zbardhjen e detajeve lidhur me këtë incident dhe kërkon respektimin e së drejtës për informim të qytetarëve, sidomos kur bëhet fjalë për debate publike si ajo e lartpërmendura.

Sipas Kodit Gazetaresk, gazetari ka të drejtën e aksesit të lirë në të gjitha burimet e informacioneve që janë me interes publik. Nëse gazetari pengohet të vijë deri te  informacioni i kërkuar, ai ka të drejtë të informojë publikun për këtë.