ShGM kërkon reagim të menjëhershëm për kërcënimin me vdekje drejtuar gazetarit Furkan Saliu
Shoqata e Gazetarëve të Maqedonisë (ShGM) kërkon reagim të menjëhershëm ndaj kërcënimit eksplicit me vdekje drejtuar gazetarit të TV Clan, Furkan Saliu, i cili është publikuar sot nga një profil i dyshimtë i quajtur “@narco_girl” në rrjetin social Twitter.
Shpallja tregon kërcënimin e mëposhtëm: “Uroj që një plumb i djeshëm endacak të kishte përfunduar në kokën e Furkan Saliut” dhe përfaqëson një thirrje të drejtpërdrejtë për të vrarë gazetarin Saliu me çka kërcënohet siguria e tij.
Këtë kërcënim eksplicit për jetën e gazetarit Saliu, ShGM do ta raportojë në Ministrinë e Punëve të Brendshme (MPB) dhe në të njëjtën kohë do të insistojë në një hetim të shpejtë dhe efikas në interes të gjetjes dhe sanksionimit të autorit apo autorëve të këtij kërcënimi.
Theksojmë se kërcënimt me jetë janë krime të përfshira në Kodin Penal, për të cilat parashikohet dënim me burg për autorët, ndërsa Ministria e Punëve të Brendshme dhe Prokuroria Publike duhet të hetojnë dhe procesojë menjëherë për të ndëshkuar shkelësit e ligjit, por edhe për të parandaluar krime të tilla të mundshme në të ardhmen.
Gazetarët që raportojnë për çështje me interes publik duhet të mbrohen në raste kur rrezikohet siguria e tyre, sepse përndryshe inkurajohet censura dhe aktet e urrejtjes ndaj punonjësve mediatik.
