SHGM kërkon hetim urgjent dhe të plotë për incidentin me makinën e Naser Selmanit

Shoqata e Gazetarëve të Maqedonisë (SHGM) iu drejtua Ministrisë së Punëve të Brendshme lidhur me incidentin e raportuar nga kolegu Naser Selmani. Një person i panjohur kishte dëmtuar gomën e makinëa së tij, e parkuar pranë shtëpisë së tij në Shkup.

Rasti menjëherë është paraqitur nga kolegu Selmani në stacionin më të afërt policor, ku është përpiluar edhe procesverbal zyrtar. SHGM konsideron se është me rëndësi të madhe që institucionet kompetente të zhvillojnë një hetim urgjent dhe të plotë. Veçanërisht e rëndësishme është që në kohë të shfrytëzohet mundësia për sigurimin e incizimeve të mundshme nga kamerat, me ç’rast do të mundësohej sigurimi i provave materiale dhe identifikimi më i lehtë i autorit.

SHGM thekson nevojën që rasti të sqarohet plotësisht dhe të gjenden autorët. Në këtë mënyrë do të hiqen dyshimet dhe spekulimet, por gjithashtu do të forcohet besimi në institucione, si brenda komunitetit gazetar ashtu edhe te publiku më i gjerë.