SHGM: Kërkojmë përgjegjësi për pjesëtarët e policisë që shpërdoruan pozitën e tyre për të ngacmuar gazetaren Viki Klinçarova

Sipas informatave të publikuara në portalin Fokus.mk, zyrtarë policorë nga stacioni policor i Negotinës kanë ardhur sot në adresën e shtëpisë së gazetares Viki Klinçarova nga “Fokus” për shkak të një bisede zyrtare, gjegjësisht për paralajmërim për shkak të ankesës nga vozitëses e cila më 8 gusht goditi me veturë një fëmijë 11-vjeçare në rrugën “Marshal Tito” në Negotinë.

Shoqata e Gazetarëve të Maqedonisë (SHGM) vlerëson se veprimi i MPB-së për paralajmërimin e gazetarëve për shkak të një teksti të publikuar është i papranueshëm, i pavend dhe i panevojshëm, sepse në këtë mënyrë ushtrohet presion mbi lirinë e shprehjes së gazetarëve. Kërkojmë përgjegjësi nga pjesëtarët e policisë që kanë shpërdoruar kompetencat e tyre dhe kërkojmë të përgjigjen për këtë gjë, pra të nisin procedimin disiplinor ndaj tyre.

SHGM do të paraqesë ankesë në Departamentin për Kontroll të Brendshëm dhe Standarde Profesionale në Ministrinë e Punëve të Brendshme, dhe do të kërkojë përgjegjësi për shkeljen e kompetencave të policisë. Presim që personat përgjegjës të sanksionohen sa më shpejt.