SHGM: Kërkojmë hetim uregjent dhe efikas për sulmin ndaj kolegut Ljubisha Ignatov
Shoqata e Gazetarëve të Maqedonisë (SHGM) kërkon nga Ministria e Punëve të Brendshme (MPB) që të bëjë hetim të shpejtë dhe efikas për sulmin e sotëm ndaj kolegëve tanë nga TV24.
Sot, gjatë incizimit të inserteve për një kronikë për nevoja të televizionit, ata së pari janë sulmuar verbalisht e më pas edhe fizikisht nga ana e një personit.
SHGM kontaktoi menjëherë me kameramanin e TV24, Ljubisha Ignatov, i cili e konfirmoi këtë incident dhe na dha informacione konkrete se: “Derisa po filmonim insertet në rr. Przhino, shtëpia 28/b, në të cilën banon Oleksandr Onishçenko sipas listës së zgjedhësve, pronari i shtëpisë, Mile, më sulmoi fizikisht pasi më shau dhe ofendoi. Personi më goditi me bërrylin në pjesën e kokës dhe qafës”, tha Ignatov.
Rasti është paraqitur në Ministrinë e Punëve të Brendshme.
SHGM kërkon nga Ministria e Punëve të Brendshme që të kryejë një hetim të shpejtë dhe efikas në interes të gjetjes dhe ndëshkimit të sulmuesit.
SHGM menjëherë kontaktoi edhe me Prokurorinë Publike të Shkupit me prokuroren Iskra Haxhi Vasileva, e cila është caktuar për lëndët që kanë të bëjnë me sulme ndaj punonjësve mediatik për procedim të mëtejmë të rastit.
SHGM do të ndjekë hetimet dhe do të insistojë në përgjegjësinë e personit që sulmoi fizikisht kolegun kameraman Ignatov dhe e ka penguar atë që të mund të kryejë punën e tij.
Theksojmë se kërcënimet me jetë janë vepra penale të parashikuara në Kodin Penal dhe Ministria e Punëve të Brendshme dhe Prokuroria Themelore Publike duhet urgjentisht t’i hetojnë dhe t’i procedojnë ato, për t’i ndëshkuar shkelësit e ligjit, por edhe për të parandaluar që të ndodhin vepra të tilla penale në të ardhmen.
