SHGM: Dënim për kërcënimet ndaj gazetarëve dhe punonjësve mediatik të Kanal 5

Shoqata e Gazetarëve të Maqedonisë (SHGM) reagon ashpër dhe dënon kërcënimin ndaj gazetarëve dhe punonjësve mediatik të televizionit Kanal 5 të dërguar nga një person në rrjetin social Facebook.

Më konkretisht, në një postim të Kanal 5 në rrjetin social Facebook është dërguar koment i papërshtatshëm me kërcënim nga një profil i quajtur Robert Elbanasov. Komentet e tilla mund të shkaktojnë frikë tek gazetarët dhe punonjësit e mediave dhe të kërcënojnë sigurinë e tyre duke nxitur dhunën.

Rikujtojmë se sipas Kodit Penal, cilido që në publik nxit urrejtje, diskriminim ose dhunë ndaj një personi ose grupi paraqet vepër penale dhe dënohet nga një deri në dhjetë vjet burg. Gjithashtu theksojmë se këto kërcënime janë vepra penale për të cilat ekziston praktikë pozitive gjyqësore dhe për të cilat SHGM ka fituar një rast gjyqësor më parë në vitin 2020. Gjykata Themelore Penale për kërcënimet ndaj gazetarëve të publikuar në rrjetet sociale.

SHGM ka paraqitur raport në Departamentin e Krimeve Kompjuterike dhe Forenzikës Digjitale për këtë kërcënim dhe ka kërkuar nga autoritetet në Ministrinë e Punëve të Brendshme që të marrin masa të menjëhershme, për të cilat jemi informuar se aktualisht po kryhen hetime dhe po ndërmerren veprime.