SHGM: Gjykata Evropiane për të Drejtat e Njeriut në Strasburg vendosi në favor të “Fokus” në lëndën kundër Sasho Mijalkov

Vendimi i Gjykatës Evropiane për të Drejtat e Njeriut në Strasburg vjen pasi gjykatat vendase vendosën që kryeredaktori i “Fokus”, Jadranka Kostova dhe gazetari Vlado Apostolov, duhet t’i paguajnë më shumë se 9 mijë euro dëmshpërblim ish-drejtorit të UBK-së, Sasho Mijalkov për shpifje dhe fyerje. Sipas vendimit në Strasburg, i cili u publikua sot, organet juridike në Maqedoni kanë shkelur nenin 10 – për lirinë e shprehjes nga Konventa Evropiane për të Drejtat e Njeriut, ndërsa paditësve, kryeredaktorja Kostova dhe gazetari Apostolov fituan dëmshpërblim jopasuror prej 3000 euro ose 1250 euro.   

Kërkesa është dorëzuar në vitin 2016, pasi që gazetarët u dënuan në gjykatat vendore për shpifje dhe fyerje të drejtorit të atëhershëm të UBK-së, për çka i kishin paguar dëmshpërblim mbi 9000 euro. Tekstet u botuan në gazetën ditore “Fokus” e cila tashmë është zhdukur, ku u publikuan deklarata nga ish-ambasadori në Çeki, Igor Ilievski i cili pretendonte se kishte ikur nga Republika e Çekisë për shkak të presionit nga Mijalkov. Procedurat e GJEDNJ-së u përfaqësuan në emër të gazetarëve nga zyra e avokatëve Medarski në Shkup.

SHGM në vitin 2014 ka konsideruar se vendimi i gjyqtarëve Lidija Dimçevska, Stanka Zafirovska dhe Enver Bexheti cenon rëndë lirinë e shprehjes dhe dekurajon gazetarët që të shkruajnë për keqpërdorime të mundshme të pushtetit, ndërsa kompensimi për dëmin jopasuror është shumë i lartë dhe joproporcional ndaj standardit të gazetarëve maqedonas.

Shoqata e Gazetarëve të Maqedonisë atëherë apeloi se gjykata po fut një praktikë të papranueshme të dënimit të gazetarëve për shpifje për shkak të një deklaratë të transmetuar. Nëse gazetarët kontrollojnë faktet në çdo deklaratë, siç kërkohet nga gjykata, atëherë shumica e deklaratave publike nuk duhet të publikohen.

Në vitin 2014, në kuadër të kësaj lënde, SHGM arriti në më pak se dhjetë ditë, përmes një aksionit të solidaritetit të mbledhë pjesën më të madhe të 9000 eurove të kërkuara, aq sa duhej t’i paguajnë gazetarët e gazetës “Fokus” drejtorit të UBK-së Sasho Mijalkov për dëmin jopasuror.