SHGM: Gazetarët nga 27 Prilli për herë të dytë viktima, kësaj here nga Gjykata

SHGM-ja do t’i informojë të gjitha organizatat relevante ndërkombëtare për këtë
vendim të turpshëm në dëm të gazetarëve dhe lirisë së shprehjes në vendin tonë.
Këtë javë, Gjykata Themelore Civile në Shkup miratoi aktvendime duke refuzuar paditë
e gazetareve Natasha Stojanovska dhe Dushica Mërgja, të cilat kërkuan shkelje të të
drejtave të tyre dhe dëmshpërblim nga shteti për ngjarjet e 27 Prillit 2017 në Kuvendin e
Republikës së Maqedonisë së Veriut.
Ky aktvendim është një mundësi e humbur për të mbrojtur të drejtat e gazetarëve dhe
është një provë tjetër që ka standarde të dyfishta për gjykatën, kur bëhet fjalë për
politikanë dhe gazetarë. Kujtojmë se në rastin e grupit të politikanëve, Prokuroria
Themelore Publike, sipas detyrës zyrtare, filloi procedurat dhe gjykata penale dënoi një
grup qytetarësh me burg, kurse në rastin e gazetarëve ata u lanë që vetë të ngritin padi
private.
Arsyetimi i Gjykatës në aktvendimet është se gazetarët nuk kanë paraqitur prova nga të
cilat mund të konstatohet se më 27 prill të vitit 2017 ka pasur demonstrata publike para
Parlamentit, megjithëse në padi janë paraqitur në formë të rregullt video incizime të
ngjarjeve para Parlamentit, dhe në ditën kritike u publikuan qindra artikuj dhe kronika
dhe janë të pranishme në media. Fakti që gjykata nuk njeh shkelje të së drejtës për
lirinë e shprehjes dhe u kërkon gazetarëve të provojnë fakte të njohura se kishte
ndërhyrje në Parlament nga persona që demonstruan publikisht më 27 Prill 2017 është
tendencioz dhe krijon precedent në kontekstin e këtij rasti.
Gjithashtu, është nebuloz pohimi i gjykatës se gazetarët nuk kanë pasur të drejtë të
kërkonin dëmshpërblim jomaterial për shkaktimin e dhimbjes shpirtërore dhe thekson se
të dyja nuk kanë pasur lëndime trupore. Skandaloz është fakti që Gjykata nuk e pranon
se dhimbja shpirtërore, frika dhe trauma e përjetuar gazetarët e pranishëm është
problematike dhe gjatë kësaj implikohet që paditësit nuk kanë pasur lëndime trupore.

Kujtojmë se autoritetet gjyqësore kanë detyrimin të mbrojnë të drejtat e gazetarëve,
sepse mbrojnë të drejtën e qytetarëve për t’u informuar.