SHGM fitoi çmimin për arritje të posaçme në kuadër të programit CIVIKA Mobilitas
Shoqata e Gazetarëve të Maqedonisë është ndër dhjetë organizatat civile që fituan çmime për arritje të veçanta në kuadër të ngjarjes përfundimtare të organizuar nga Qendra Maqedonase për Bashkëpunim Ndërkombëtar. Në këtë ngjarje morën pjesë përfaqësues nga 132 organizata që ishin pjesë e programit CIVIKA Mobilitas, i cili u zbatua në katër vitet e fundit.
Gjatë kësaj ngjarjeje, u drejtuar Ambasadorja e Zvicrës, Shkëlqesia e saj Sibill Suter Tejada e cila tha se në dy-tre vitet e fundit iniciativat e shoqërisë civile siguruan ndryshime të dukshme në vend. “Sigurisht që jemi të vetëdijshëm se këto reforma janë ende larg pritjeve të qytetarëve, por së paku tani është krijuar një bazë e mirë për dialog dhe hapje për bashkëpunim”, theksoi ajo.
“Ky është programi më i madh për mbështetje të organizatave e shoqërisë civile apo program që mundësoi mbulimin më të gjerë në histori, kjo më bën shumë të lumtur,” tha Alexander Krzalovski, lideri i stafit kombëtar të programit CIVIKA Mobilitas. Ai përmblodhi rezultatet e programit të cilat përfshijnë mbi 2000 trajnime për organizatat e shoqërisë civile, mbi 1.800 studime në tema të ndryshme, mbi 500 debate dhe diskutime, mbi 600 storje hulumtuese etj.
Në kuadër të Programit, SHGM organizoi aktivitete të shumta nëpërmjet të cilëve u mundësua zhvillimi profesional i gazetarëve, përmirësime profesionale në profesionin e gazetarisë dhe zhvillim të kapaciteteve të Shoqatës. Në të njëjtën kohë, u promovuan botime, u dhanë shpërblime gazetareske dhe u mbajtën debate të shumta.
Në ngjarjen foli Drejtori ekzekutiv i SHGM-së Dragan Sekullovski i cili tha se Shoqata me mbështetjen e programit CIVIKA ka organizuar ngjarje të shumta për gazetarët në tërë Maqedoninë, të cilat janë ndjekur nga botime të ndryshme që janë relevante për kolegët tanë. “Një nga sukseset më të mëdha të SHGM-së të mbështetura përmes këtij programi ishte lënda e fituar “Selmani dhe të tjerët kundër Maqedonisë” para Gjykatës Evropiane për të Drejtat e Njeriut e cila paraqet një rast unik në vend, sipas të cilës është shkelur neni 10, i cili i referohet lirisë së të shprehurit”, tha Sekullovski.
