SHGM: Etiketim i pahijshëm i mediave edhe nga kryeministri Kovaçevski

Praktika e komunikimit jo të hijshëm për punën e mediave vazhdon edhe nga kreu i Qeverisë.

Në pyetjen e gazetarit nëse kryeministri Kovaçevski do të distancohet nga Ahmeti në kontekstin e deklaratës ku ai etiketon mediat, Kovaçevski tha: “ Besoj se zoti Ahmeti deklaratën e ka dhënë bazuar në fakte dhe për shpjegim duhet ta pyesni atë. Sepse edhe unë kam mendimin tim personal për mediat, mund të jap mendimin tim personal se disa media si sillen. Sa më përket mua, mund të them në vend se ka media në të cilat politika redaktuese i ngjan me një kompani që tregton me energji dhe ka medium që politika e tyre redaktuese i ngjan me sektorit të komunikimit të një partie.”

Derisa politikanët dhe zyrtarët publikë besojnë se disa përmbajtje mediatike nuk janë në përputhje me Kodin e Etikës të gazetarëve, mund të paraqesin ankesë në organet vetërregulluese të mediave, gjegjësisht Këshillin e Nderit të SHGM-së dhe Këshillin për Etikë të Mediave të Maqedonisë. Ky lloj narrativi i iniciuar nga ana e kryeministrit paraqet formë të rëndë të presionit ndaj gazetarëve dhe mediave, e cila shërben për diskreditimin e tyre por edhe për t’i dekurajuar ata të merren me tema të cilat janë me interes publik.

Ky lloj qëndrimi nga ana e kryeministrit Kovaçevski është të paktën joprofesional dhe tejet i papranueshëm për shkak se sot kemi reaguar ndaj deklaratës skandaloze ndaj mediave të partnerit të tij në koalicion Ahmeti. Kjo praktikë e komunikimit të papërshtatshëm mund të kërcënojë sigurinë e gazetarëve dhe punonjësve të medias dhe me këtë të nxitet censura në një kontekst më të gjerë.

Kujtojmë se zyrtarët publikë dhe përfaqësuesit e tjerë të Qeverisë duhet të kenë shkallë më të lartë të tolerancës kur kanë kritika publike për punën e tyre, ku në të njëjtën kohë përmbushen standardet profesionale të profesionit të gazetarit.