SHGM e botoi publikimin në të cilin janë reflektuar tendencat e sulmeve ndaj gazetarëve dhe punonjësve mediatik në pesë vitet e fundit
Shoqata e Gazetarëve (SHGM) në publikimin e saj më të fundit të titulluar “Sulmet ndaj gazetarëve dhe punonjësve mediatik 2017 – 2021: tendenca dhe rekomandime” mbulon disa nga shkeljet më të rënda të drejtave të punonjësve mediatik që janë regjistruar dhe gjithashtu ndajnë mendime për përsëritjen e tyre. Publikimi është falas dhe është përgatitur si pjesë e projektit të Misionit të OSBE-së në Shkup 2021 “Promovimi i mbrojtjes së gazetarëve dhe standardeve etike dhe profesionale në media”.
Ky Publikim shpjegon se si klasifikohen sulmet dhe ofron analiza shtesë për çdo vit duke rishikuar periudhën pesëvjeçare me fokus në sulmet online ndaj gazetarëve. Për më tepër, analiza përfshin rekomandime afatshkurtra dhe afatgjata për përmirësimin e sigurisë së gazetarëve dhe punonjësve mediatik në internet nga ana e palëve relevante të përfshira.
Konkluzioni i parë që mund të nxirret është se në dy vitet e fundit numri i sulmeve ndaj grave gazetare është më i lartë se numri i sulmeve ndaj gazetarëve burra. Retorika seksiste përdoret shpesh për t’u dhënë këtyre sulmeve një karakteristikë shtesë, me atë që jo vetëm që kanë të bëjnë me punën e gazetarëve, por duket se bazohen edhe në gjini.
Konkluzioni i dytë i rëndësishëm në kontekst të sigurisë së gazetarëve është se sulmet e shpeshta ndaj gazetarëve dhe punonjësve mediatik rriten gjatë situatave turbulente politike, veçanërisht gjatë zgjedhjeve. Etiketimi i shpeshtë i gazetarëve nga politikanët dhe nëpunësit publikë mund të inkurajojë më tej simpatizantët jopartiakë që të ndjekin shembullin dhe të vazhdojnë të sillen në atë mënyrë që të rrezikojnë sigurinë e gazetarëve dhe punonjësve mediatik në mënyrë të ngjashme.
Konkluzioni i tretë i nxjerrë nga analiza është se sulmet fizike ndaj gazetarëve janë reduktuar ndjeshëm gjatë pandemisë, ndërsa kërcënimet online ndaj gazetarëve janë rritur ndjeshëm. Duket se mungesa e ndërgjegjësimit të publikut kontribuon gjithashtu në rritjen e kërcënimeve online ndaj gazetarëve, pasi kufijtë midis lirisë së fjalës dhe gjuhës së urrejtjes bëhen të paqarta.
Tendenca e katërt dhe ndoshta më e rëndësishme është mosndëshkimi për sulmet ndaj gazetarëve. Edhe përpos raporteve të shumta vendase dhe ndërkombëtare që flasin për këtë çështje, si dhe konferencat e shumta që merren me të, mosndëshkimi për sulmet ndaj gazetarëve vazhdon dhe kërkon përkushtim më serioz të organeve të rendit dhe atyre gjyqësore.
Gazetaria e pavarur me cilësi të lartë kërkon sigurinë e vazhdueshme të gazetarëve dhe punonjësve mediatik në kryerjen e detyrave të tyre profesionale. Nëse gazetarët nuk ndihen të sigurt, ata nuk mund të ofrojnë informacion cilësor për publikun, gjë që është thelbësore për qytetarinë e informuar në shoqëritë demokratike.
