SHGM dhe SPGPM: PTHP ta rishqyrtojë rastin me Zllatevin
Shoqata e Gazetarëve të Maqedonisë (SHGM) dhe Sindikata e Pavarur e Gazetarëve dhe Punonjësve Mediatik (SPGPM) shprehin shqetësimin lidhur me propozim-aktakuzën ndaj Lupço Zllatevit, redaktor i Lider.mk nga Prokuroria Themelore Publike – Shkup për kryerjen e veprës së pretenduar penale “Zbulim i sekretit zyrtar”. Prokuroria Themelore Publike në njoftimin e saj thotë se, më 9 korrik dhe 12 korrik në internet portalin ku Zllatev është redaktor si dhe në faqen në Facebook të së njëjtës media, ai ka publikuar një tekst në të cilin bëri të disponueshme kopje të dokumenteve nga Drejtoria për Siguri dhe Kundërzbulim, të cilat sipas PTHP-së janë informacione të klasifikuara sepse ndërlidhen me kontrollin operativ të një personi.
Brengosë fakti që Prokuroria Themelore Publike është gjithmonë proaktive kur ka denoncim nga një institucion shtetëror në fushën e lirisë së shprehjes, ndërsa kur ka kërkesa për procedime penale për shkelje të të drejtave të gazetarëve, të njëjtat shpesh i refuzon. Në rastet kur PTHP-ja hap një hetim pas denoncimit nga organizatat e gazetarëve ose një grupi gazetarësh, këto raste thuajse asnjëherë nuk arrijnë në Gjykatën Penale ose zvarriten me vite, për dallim nga ky rast, ku, praktikisht, për dy javë PTHP-ja e ka përfunduar hetimin dhe inicion propozim aktakuzë.
Si organizata profesionale të gazetarisë, konsiderojmë se çdoherë kur institucionet ndërmarrin aktivitete që mund të cenohet liria e shprehjes, është e rëndësishme që të vlerësohet me kujdes dhe saktësi nëse interesi publik mbizotëron mbi aktet normative.
Institucionet duhet të marrin parasysh që kur veprojnë në raste të tilla, ato duhet të udhëhiqen nga parimi i interesit publik dhe nga ajo se sa procedurat e tilla gjyqësore mund të shkaktojnë vetë-censurim dhe me këtë t’u kufizohet e drejta e qytetarëve që të jenë të vetëdijshëm për keqpërdorimet eventuale në institucionet. Nga ana tjetër, gazetarët kur publikojnë informacione të ndjeshme, që bazohen në dokumente të klasifikuara, duhet të tregojnë një shkallë të lartë profesionalizmit, respektivisht respektim të standardeve profesionale të gazetarisë, si dhe respektim konskuent ë Kodit Etik të Gazetarëve.
